Unseasonal Rain : ગુજરાતના અનેક વિસ્તારોમાં ભરઉનાળે અષાઢી માહોલ, ગાજવીજ અને પવન સાથે કમોસમી વરસાદ

Unseasonal Rains In Gujarat: ગુજરાતમાં હવામાન વિભાગ દ્વારા કરવામાં આવેલી કમોસમી વરસાદની આગાહી સાચી પડી છે. સતત ધગતા ગોળાની જેમ પડતા તડકા વચ્ચે ગુજરાતના કેટલાક વિસ્તારોના વાતાવરણમાં પલટો આવ્યો છે. બપોર પછી રાજ્યના કેટલાક વિસ્તારોમાં કમોસમી વરસાદ પડ્યો છે. જેમાં ક્યાંક ધીમી ધારે તો ક્યાંક ભારે પવન સાથે ભારે માવઠું પડ્યું છે. ભર ઉનાળે કમોસમી વરસાદ ખાબકતા આંબાના બગીચા ધરાવતા ખેડૂતોમાં ચિંતા વ્યાપી ગઈ છે.