સુરેન્દ્રનગરમાં ખેતરની જમીન બાબતે ધારિયા-લાકડીથી જૂથ અથડામણ, નાના બાળકો સહિત 15 લોકો ઈજાગ્રસ્ત

બંને પક્ષોનો સામ સામે હુમલો
વિગતો મુજબ, વઢવાણ તાલુકાના સાંકળી ગામમાં એક જ જ્ઞાતિના બે જૂથો વચ્ચે ખેતરની જમીને બાબતે બોલાચાલી બાદ અથડામણ થઈ હતી. જેમાં બંને પક્ષોએ સામ સામે ધારીયા અને ધોકા-લાકડીથી હુમલા કર્યા હતા. આ અથડામણમાં નાના બાળકો સહિત 15 જેટલા લોકો ઈજાગ્રસ્ત થઈ જતા તેમને સારવાર માટે હોસ્પિટલ ખસેડાયા હતા. બીજી તરફ પોલીસને આ અંગે માહિતી મળતા વઢવાણ પોલીસ સાંકળી ગામે પહોંચી હતી અને તપાસ હાથ ધરીને ચુસ્ત બંદોબસ્ત ગોઠવી દીધો હતો.