કચરો ભરેલા ટ્રેક્ટરમાંથી કેરેટ ભરીને સડેલા ટામેટા વીણી ગયા બે શખ્સો, સુરતનો કથિત VIDEO વાઈરલ

કચરો ભરેલા ટ્રેક્ટરમાંથી ટામેટા વીણી ગયા
સોશિયલ મીડિયા ઉપર વાયરલ થયેલા આ વીડિયોમાં આપ જોઈ શકો છો કે એક ટ્રેક્ટર ઊભું છે અને ટ્રેક્ટર ચાલક એની સીટ પર બેઠો છે. ત્યારે બે જણા ટ્રેક્ટરની ટ્રોલીમાંથી કચરામાં ફેંકી દીધેલા ટામેટા ભેગા કરીને કેરેટમાં ભરી રહ્યા છે. કચરામાંથી ટામેટા ભરતો ઇસમ એક ટ્રોલીમાં ઉભો છે જ્યારે બીજો ઈસમ ટ્રોલીની નીચે કેરેટ પકડી રહ્યો છે. આ દ્રશ્ય જોઈને આપ ચોક્કસપણે વિચારતા હશો કે કચરા ભરેલા ટ્રેક્ટરની ટ્રોલીમાંથી આ ટામેટા શાકભાજીવાળા ક્યાંક તમારી થાળી સુધી નથી પહોંચાડી રહ્યા છે ને? અને જો તમે ટામેટા ખાવાના શોખીન હો તો હવે સાવધાન થવાની જરૂર છે. શાકભાજી માર્કેટમાંથી કચરા પેટીમાં ફેંકવામાં આવેલા ટામેટા ફરીથી કચરા ભરેલા ટ્રેક્ટરમાંથી કેરેટમાં ભરાઇ રહ્યા છે.

જો જો… આ ટામેટા તમારી થાળી સુધી ન પહોંચી જાય. કચરો ભરેલા ટ્રેક્ટરમાંથી સડેલા ટામેટા વીણીને લઈ ગયા બે શખ્સો, વાઈરલ વીડિયો સુરતનો હોવાની ચર્ચા#Surat #TomatoPrice #ViralVideo pic.twitter.com/VApMv4iyqY

— Gujarat Tak (@GujaratTak) July 16, 2023

લોકોના સ્વાસ્થ્ય સાથે ચેડાં
કચરા ભરેલા ટ્રેક્ટરમાંથી કેરેટમાં ભરવામાં આવતા આ ટમેટા ફરીથી ચોક્કસપણે માર્કેટમાં વેચાવા લઈ જવામાં આવતા હશે અને એ જ ટમેટા લોકોની થાળી સુધી પહોંચતા હશે. એટલે એમ કહી શકાય કે આ ટામેટા વેચનારા લોકો સીધી રીતે લોકોની સ્વાસ્થ્ય સાથે સાથે ચેડાં કરી રહ્યા છે. આ વિડીયો કોઈ મહિલાએ દ્વારા ઉતારવામાં આવ્યો છે. વીડિયોમાં મહિલાઓનો આવાજ સાંભળી શકાય છે અને જે ગુજરાતી ભાષામાં બોલે છે. વિડીયો સુરત શહેરના કોઈપણ વિસ્તારનો હોઈ શકે છે અને જો સુરતના કોઈ વિસ્તારનો આ વિડીયો હોય તો સુરત મહાનગરપાલિકા અને જવાબદાર તંત્રએ આ વીડિયોની ખાતરી કરીને આવી હરકત કરવા વાળા લોકો સામે પગલા ભરવા જોઈએ.