જેતપુરમાં રખડતા પશુનો આતંક યથાવત: આખલાઓએ સ્કૂલ રિક્ષાને લીધી હડફેટે, સમગ્ર ઘટના CCTV માં કેદ

રાજ્યભરમાં રખડતા પશુઓનો આતંક યથાવત રહ્યો છે. આ દરમિયાન  રાજકોટ જેતપુર આખલાનો આતંક સામે આવ્યો છે.  ટાકુડીપરામાં બે આખલા વચ્ચે યુદ્ધ જામ્યું હતું. જેમાં વિદ્યાર્થીઓની સ્કૂલ રીક્ષાને હડફેટે લેતા વિદ્યાર્થી ઓની ભરેલી રીક્ષા પલ્ટી મારી હતી.  રીક્ષા પલ્ટી મારતા એક વિદ્યાર્થી ને સામાન્ય ઇજા પહોંચી છે. સમગ્ર ઘટના CCTV માં કેદ થઈ છે.

લોકોએ કરી આ માંગ
આજે બાળકો ભરેલી રિક્ષાને ઠોકર મારતા તે પલટી મારી ગઈ હતી અને એક વિદ્યાર્થીને સામાન્ય ઇજા પહોંચી હતી. ત્યારે સદનસીબે કોઈ વધુ લોકો ઇજાગ્રસ્ત નથી થયા.  જેતપુરમાં અવાર નવાર આખલા ઓના યુદ્વને લઈ લોકો ત્રાહિમામ છે.  કોઈ મોટી દુર્ઘટના સર્જાયતે પહેલા નગરપાલિકા દ્વારા આખલા ઓને પકડવા સ્થાનિકોની માંગ ઉઠી છે.

ભાવનગરમાં પુરુષનો લીધો ભોગ
 ભાવનગર જિલ્લાના ભોજપરા ગામે ઢોરે ઢીંક મારતા હોસ્પિટલમાં સારવાર માટે દાખલ કરવામાં આવ્યા હતા. તેમનું સારવાર દરમિયાન મોત થયું છે.  ગત તારીખ1જાન્યુઆરીના દિવસે સાંજના સમયે મજૂરી કામ કરીને પરત હતા તે દરમિયાન ગામના પાદરમાં રખડતા ઢોર ઝઘડી રહ્યા હતા અને કાંતિભાઈને રખડતા ઢોરે ઢીકે ચડાવતા ગંભીર ઈજા પહોંચી હતી. ઇજાગ્રસ્ત ને વધુ સારવાર માટે ભાવનગરની સર ટી હોસ્પિટલે ખસેડાયા હતા જ્યાં તેમનું સારવાર દરમિયાન મોત થયું છે. આ ઘટનામાં બે બાળકોએ પિતાની છત્રછાયા ગુમાવી છે.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…

With Input: નિલેશ શિશાંગિયા