આ છે જનતાનો રક્ષક? સરથાણા પોલીસ મથકના પી.આઇની ગુંડાગીરી થઈ સીસીટીવીમાં કેદ

આ મામલે ઈંડાની રેસ્ટોરન્ટ ચલાવતા શખ્સ દ્વારા કરાઈ પોલીસ કમિશ્નરને અરજી કરવામાં આવી આવી છે. આ અરજીમાં કારણ વગર પી.આઈ. હેરાનગતિ કરતા હોવાનો આક્ષેપ કરવામાં આવ્યો છે આ ઉપરાંત ગ્રાહકોને વગર કારણે માર મારવામાં આવ્યો હતો તેમ જણાવવામાં આવ્યું છે.

ફરિયાદીએ ફરિયાદમાં જણાવ્યું છે કે પી.આઇ.એ ધંધાકીય લૂટ ચલાવી હતી જેમાં 10 ખુરશી, 4 ટાયરચેર તથા ટીપોઇ લઈ ગયા હતા. કયા ગુન્હામાં લઈ ગયા તે કશું જણાવ્યું નહીં અને મેમો પણ આપ્યો ન હતો. આ ઉપરાંત તેમણે ગાળો આપી હતી તથા પોલીસ સ્ટેશને લઈ જઇ એફ.આઇ.આર વગર 26 કલાક સુધી ગોંધી રાખ્યા હતા. આ સાથે ફરિયાદીએ જણાવ્યું કે પી.આઇ. એ અન્ય કેસમાં ફસાવી દેવાની પણ ધમકી આપી હતી. ફરિયાદી પ્રશાંત સવાણીએ આ ફરિયાદ સાથે સમગ્ર ઘટનાની સીસીટીવી ફૂટેજની સીડી તૈયાર કરી અને ગૃહ મંત્રી તથા મુખ્યમંત્રીને પણ મોકલી છે.

પીઆઇ એમ.કે.ગુર્જરના સીસીટીવી સામે આવ્યા આ સીસીટીવી ફુટેજમાં પીઆઇ ગ્રાહકોને માર મારતા દેખાઈ રહ્યા છે તથા લાતો મારીને યુવકોને ભગાડતા હોવાના દ્રશ્યો સીસીટીવીમાં કેદ થયા છે. આ વિડીયો જોઈ એ સવાલ થાય છે કે પોલીસને જનતાનો મિત્ર કઈ રીતે ગણવા? પોલીસને રક્ષક કઈ રીતે ગણવા?