વ્યાજખોરોનો આતંક: ચાર યુવકોને છરીથી લોહીલુહાણ કરી દેતા ચકચાર

પ્રજાસત્તાક પર્વ પ્રસંગે માત્ર 5500 રૂપિયા માટે છરીથી હુમલો
જો કે ભરૂચમાં વ્યાજખોરીનો વિચિત્ર કિસ્સો સામે આવ્યો છે. પ્રજાસત્તાક પર્વની રાત્રે પાંચ હજાર પાંચસો રૂપિયાની ઉઘરાણી માટે વ્યાજખોર યુવકો પર છરીથી હુમલો કર્યો હતો. ગત્ત રોજ પણ એક યુવાને ફીનાઇલ પીને આપઘાતનો પ્રયાસ કર્યો હતો. પોલીસ બંન્ને ફરિયાદીના નિવેદનના આધારે આગળની કાર્યવાહી હાથ ધરી છે.

ભરૂચમાં વ્યાજખોરો હજી પણ બેખોફ લાગી રહ્યા છે
ભરૂચમાં વ્યાજખોરો હજી પણ બેફામ છે. પાંચ હજાર પાંચસોની ઉઘરાણી માટે વ્યાજખોરો 4 યુવક પર હુમલો કર્યો હતો. અન્નુ દિવાન નામના વ્યાજખોરે 4 યુવક પર છરી વડે હુમલો કર્યો હતો. ઇજાગ્રસ્તોને સારવાર માટે હોસ્પિટલ ખાતે ખસેડવામાં આવ્યા હતા. આ મુદ્દે પોલીસે ગુનો દાખલ કરીને આગળની કાર્યવાહી હાથ ધરી છે.

અગાઉ પણ વ્યાજખોર યુવકે ફિનાઇલ પીને આપઘાત કરી લીધો
ભરૂચમાં ગત્ત રોજ વ્યાજખોરોથી ત્રસ્ત યુવકે ફીનાઇલ પી આપઘાતનો પ્રયાસ કરતા સારવાર માટે હોસ્પિટલ ખાતે ખસેડાયો છે. યુવકને તત્કાલ સારવાર મળી જતા જીવ બચી ગયો હતો. આ મુદ્દે પોલીસે યુવકની ફરિયાદના આધારે ગુનો દાખલ કરીને આગળની તપાસ આદરી છે.