સુરેન્દ્રનગરઃ ઢોલીઓ પર રૂપિયા ઉડાવ્યા, BJP ઉમેદવાર સામે આચારસંહિતા ભંગની ફરિયાદ

વ્યવસ્થા પરિવર્તન પાર્ટીના ઉમેદવારે કરી ફરિયાદ
સુરેન્દ્રનગરની વઢવાણ વિધાનસભા બેઠક પર પ્રથમ તબક્કાનું મતદાન ચાલી રહ્યું છે. દરમિયાનમાં આ બેઠકના ભાજપના ઉમેદવાર જગદીશ મકવાણા સામે આચારસંહિતાની ફરિયાદ નોંધાઈ છે. વ્યવસ્થા પરિવર્તન પાર્ટીના ઉમેદવાર જયેશ ચૌહાણ દ્વારા મુખ્ય જિલ્લા ચૂંટણી અધિકારી, ડીએસપી અને ચૂંટણી પંચને જગદીશ મકવાણા વિરુદ્ધની ફરિયાદ કરી છે.

સુરેન્દ્રનગરઃ મતદાન કરવા ઢોલ નગારા સાથે આવ્યા ભાજપ ઉમેદવાર, ઢોલી પર ઉડાડ્યા રૂપિયા, થઈ આચારસંહિતા ભંગની ફરિયાદ- જુઓ Video#Gujarat #Surendranagar #GujaratAssemblyPolls #ElectionWithGujaratTak pic.twitter.com/0BOWBnVpmO

— Gujarat Tak (@GujaratTak) December 1, 2022

શું બની ઘટના
બાબત એવી છે કે, વઢવાણ બેઠકના રતનપર વિસ્તારમાં શાળા નંબર 10 પર આજે સવારથી મતદારો મતદાન કરી રહ્યા હતા. દરમિયાન મતદારોની સાથે સાથે ભાજપના ઉમેદવાર જગદીશ મકવાણા પણ અહીં મતદાન કરવા આવ્યા હતા. જોકે જગદીશ મકવાણા અહીં ઢોલ અને નગારા લઈને આવ્યા હતા. તેમના સાથે સરઘસ આવતા રજવાડી સાફા અને ઢોલ સાથે તેઓ મતદાન મથક સુધી પહોંચ્યા હતા. દરમિયાન ઢોલીઓ પર રુપીયા ઉડાવતો તેમનો વીડિયો પણ સામે આવ્યો હતો. જેને કારણે જયેશભાઈએ જગદીશ મકવાણાની ઉમેદવારી રદ્દ કરવાની માગ કરતી ફરિયાદ ચૂંટણી પંચ સમક્ષ કરી હતી.

(વીથ ઈનપુટઃ સાજીદ બેલીમ, સુરેન્દ્રનગર)