સુરેન્દ્રનગરઃ ભાજપ વિરુદ્ધ મતદાન કરવાનો નિર્ણય, ભાજપમાં જીજ્ઞાબેન પંડ્યાની ટિકિટ કપાતા બ્રહ્મ સમાજ નારાજ

ચૂંટણીમાં ભાજપ વિરુદ્ધ મતદાનનો નિર્ણય
વઢવાણ વિધાનસભા બેઠક પર ભાજપે અગાઉ જાહેર કરેલી યાદી પ્રમાણે જીજ્ઞાબેન પંડ્યાને ટિકિટ આપવામાં આવી હતી. જોકે અચાનક આ દરમિયાન જીજ્ઞાબેન એક પત્ર લખે છે કે તેઓ આ ચૂંટણી નહીં લડે અને તેના પછી ભાજપે આ બેઠક પર જગદીશ પંડ્યાને ટિકિટ આપી ઉમેદવાર જાહેર કર્યા હતા. ઉલ્લેખનીય છે કે આ પાછળ કોઈ નક્કી રાજકારણ રમાયું હોવાનો જનતામાં ગણગણાટ છે. પોતાના સમાજના દીકરીને ટિકિટ આપ્યા પછી ઉમેદવાર બદલવાના ભાજપના આ નિર્ણયથી લોકો ભારે નાખુશ થયા હતા અને આને દીકરીનું અપમાન ગણાવ્યું હતું. દરમિયાન સમસ્ત બ્રહ્મસમાજના યુવાનો અને આગેવાનોએ આગામી દિવસોમાં ચૂંટણી દરમિયાન ભાજપની વિરુદ્ધમાં મતદાન કરવાનો નનિર્ણય કર્યો છે.

સુરેન્દ્રનગરમાં આર્ય સમાજ ખાતે આજે બ્રહ્મ સમાજના યુવાનો ભેગા થયા હતા. ભાજપ દ્વારા જીજ્ઞાબેન પંડ્યાની ટિકિટ અન્ય ઉમેદવારને આપવાના મામલે બ્રહ્મ સમાજના લોકો નારાજ થયા છે, સમાજના લોકોએ ભાજપ વિરુદ્ધ મતદાન કરવાનો નિર્ણય કર્યો હતો.#GujaratElections2022 #ElectionWithGujaratTak pic.twitter.com/xpK3BVYKd1

— Gujarat Tak (@GujaratTak) November 15, 2022

બ્રહ્મ સમાજના યુવાનો ચૂંટણી સુધી કાળી પટ્ટી પહેરશે
ચૂંટણી સુધી બ્રહ્મ સમાજના યુવાનો કાળી પટ્ટી ધારણ કરીને ફરશે તેવો પણ નિર્ણય કર્યો છે. ઉલ્લેખનીય છે કે એક ઉમેદવારની ટિકિટ બીજા ઉમેદવારને આપી દીધાની આ ઘટનાએ સમાજને નારાજ કર્યા છે. સુરેન્દ્રનગરના આર્ય સમાજ ખાતે આ યુવાનો અને અગ્રણીઓએ ભેગા થઈને આજે આવા આકરા નિર્ણયો કર્યા હતા.

(વીથ ઈનપુટ- સાજીદ બેલીમ, સુરેન્દ્રનગર)