Surendranagar: વીજ વાયર ટ્રેક્ટરને અડી જતા મજૂરી કામે જતા 7 મજૂરોને કરંટ લાગ્યો, 3નાં મોત

મજૂરી કામે જતા અકસ્માત

વિગતો મુજબ, સુરેન્દ્રનગર જિલ્લાના પાટડી-દશાડા તાલુકામાં આવેલા બુબાળા ગામમાં ટ્રેક્ટરની ટ્રોલીમાં બેસીને મજૂરો કામ પર જઈ રહ્યા હતા. દરમિયાન ટ્રેક્ટરની ટ્રોલી વીજ વાયરને અડી જતા અંદર બેઠેલા 7 જેટલા મજૂરોને કરંટ લાગ્યો હતો. જેમાંથી 3 મજૂરોના કરુણ મોત નિપજ્યા હતા, તો અન્ય ચાર જેટલા મજૂરો ગંભીર રીતે દાઝી જતા તેમને સાવાર માટે વિરમગામની હોસ્પિટલમાં ખસેડવામાં આવ્યા છે.

મધ્યપ્રદેશના વતની હતા શ્રમિકો

ઘટનાની જાણ થતા જ પોલીસ તથા મામલતદાર સહિતની ટીમ સ્થળ પર પહોંચી ગઈ હતી. જાણકારી મુજબ, દાઝી ગયેલા ચારેય મજૂરોની હાલત ગંભીર હોવાનું જણાવાઈ રહ્યું છે. મૃતક અને ઈજાગ્રસ્ત મજૂરો મધ્યપ્રદેશના જાંબુઆ જિલ્લાના વતની હતા.  

(ઈનપુટ: સાજીદ બેલિમ, સુરેન્દ્રનગર)