સુરતઃ બહેનની છેડતી કરનારે કાળી ટી-શર્ટ પહેરી હતી, અન્ય યુવકને ખાવો પડ્યો માર- CCTV

વીડિયો વાયરલ થતા પોલીસ એક્શન મોડમાં
CCTVમાં કેદ થયેલી આ તસવીરો સુરત શહેરના ડિંડોલી પોલીસ સ્ટેશન વિસ્તાર હેઠળના ચિંતામણી ચોક વિસ્તારની છે. તસવીરોમાં તમે જોઈ શકો છો કે કાળી ટી-શર્ટ પહેરેલો યુવક અહીં ઊભો છે અને અચાનક કેટલાક લોકો આવે છે, લોકો તેની સાથે મારપીટ કરવાનું શરૂ કરે છે. યુવાન પીટાઈથી બચવાનો પણ પ્રયાસ કરે છે, પરંતુ તેમ છતાં તેને મારનારા લોકોએ તેને મારવાનું ચાલુ રાખ્યું હતું. સુરતના ડિંડોલી પોલીસ સ્ટેશન વિસ્તારના આ સીસીટીવી ફૂટેજ સોશિયલ મીડિયા પર વાયરલ થયા હતા. વીડિયો વાયરલ થતા એક્શનમાં આવી ગયેલી પોલીસે મારપીટનો ભોગ બનનારને શોધી કાઢ્યો અને તેની એફઆઈઆર લીધી હતી. પોલીસે આ કેસમાં 3 લોકોની ધરપકડ કરી છે.

ડ્રગ્સનું સિલ્ક રૂટ બનવા તરફ ગુજરાતઃ રાજકોટથી 214 કરોડનું ડ્રગ્સ દિલ્હી મોકલવાનું હતું

કોની થઈ ધરપકડ
ધરપકડ કરાયેલા આરોપીઓમાં સાગર અરુણ સહારે, શ્યામ સજ્જન જડતે અને રોહિત ગૌતમ સોનાવણેનો સમાવેશ થાય છે. યુવકને માર મારનાર પકડાયેલા વ્યક્તિનું નામ સિદ્ધાર્થ પાટીલ છે. આરોપીને શંકા છે કે કાળા ટી-શર્ટ પહેરેલા યુવકે રસ્તામાં તેની બહેનની છેડતી કરી હતી અને છેડતી કરતી વખતે તેનો મોબાઈલ નંબર પણ માંગ્યો હતો. પોલીસ તેની છેડતી થઈ કે નહીં તેની તપાસ પણ કરી રહી છે. આરોપીએ કહ્યું કાળી ટી-શર્ટ પહેરેલા યુવકે તેમની બહેનની છેડતી કરી હતી, પરંતુ યુવક કોણ હતો તે જાણી શકાયું નથી, પરંતુ જે જગ્યાએ છેડતી થઈ હતી તે જગ્યાએ આ વ્યક્તિ કાળો શર્ટ પહેરીને ઊભો હતો. જેના કારણે તેને માર મારવામાં આવ્યો હતો. સુરત પોલીસના ડીસીપી ભગીરથ ગઢવીએ જણાવ્યું કે હાલ પોલીસ આ મામલાની તપાસ કરી રહી છે. કાળો શર્ટ પહેરવા માટે યુવકને માર મારવામાં આવ્યો હતો. પોલીસ તપાસમાં ખબર પડશે કે તેણે છેડતી કરી છે કે નહીં.