સુરત કોર્ટની બહાર જ 15થી વધુ ઘા મારી યુવકનું કાસળ કાઢી નાખ્યુંઃ નાકાબંધી પહેલા જ શખ્સો ફરાર

ચારધામ યાત્રાએ જતા શ્રદ્ધાળુઓ માટે મોટી ખબર, ફરી આ તારીખ સુધી રજીસ્ટ્રેશન બંધ કરાયું

હર્ષ સંઘવીનું હોમ ટાઉન જ ક્રાઈમ કેપિટલ બનવા તરફ
ગૃહ રાજ્યમંત્રી હર્ષ સંઘવીના સુરતમાં જ છેલ્લા ઘણા સમયથી ગુનાઓનું પ્રમાણ વધી રહ્યું છે. ચોરી, લૂંટ, હત્યા તો જાણે રોજનું થતું જાય છે. આજે શુક્રવારે સુરત કોર્ટથી થોડા જ અંતરે 28 વર્ષીય સૂરજ ઈંદ્રજિત યાદવ નામના શખ્સની હત્યા કરી દેવામાં આવી છે. સુરજ યાદવ સચિન જીઆઈડીસી પોલીસ મથકે નોંધાયેલા હત્યાના ગુનામાં તારીખ ભરવા માટે કોર્ટ પર આવ્યો હતો. તે પોતાની બાઈક પર જઈ રહ્યો હતો ત્યારે બે અજાણ્યા શખ્સોએ તેને આંતરી લીધો હતો.

સુરજ યાદવને આંતરી લીધા પછી તે શખ્સોએ સુરજ પર હુમલો કરી દીધો હતો. જેમાં તેને ઈજાઓ થઈ હતી. પ્રાપ્ત વિગતો અનુસાર ઉપરા છાપરી 15થી વધારે ઘા મારીને સુરજને રહેંસી નાખવામાં આવ્યો હતો. હત્યા કરીને હત્યારાઓ સ્થળ પરથી એવી રીતે ફરાર થઈ ગયા હતા જાણે હવામાં ઓગળી ગયા હોય. પોલીસે મૃતદેહને પોસ્ટ મોર્ટમ માટે ખસેડીને વધુ કાર્યવાહી હાથ ધરી છે. સ્થાનીક પોલીસ ઉપરાંત ક્રાઈમ બ્રાન્ચ પણ સ્થળ પર આવી પહોંચી હતી. ડીસીપી અને એસીપી પણ સ્થળ પર દોડી આવ્યા હાત. પોલીસે હત્યારાઓની શોધ શરૂ કરી દીધી છે. જેના માટે નાકાબંધી કરી દેવામાં આવી છે.

(ઈનપુટઃ સંજયસિંહ રાઠોડ, સુરત)