સુરતઃ મુસાફરોથી ભરેલી સિટી બસમાં અચાનક લાગી આગ, લોકોનો માંડ થયો બચાવ

આગ પર મેળવાયો કાબુ
ગુજરાતમાં જ્યાં એક તરફ બીજા તબક્કાનું મતદાન ચાલી રહ્યું છે ત્યાં સુરતમાં સિટી બસમાં અચાનક આગ લાગી ગઈ હતી. સોમવારે સવારે બનેલી આ ઘટનાના કેટલાક વીડિયો પણ સામે આવ્યા છે જે ત્યાં હાજર લોકોએ પોતાના કેમેરામાં કંડારી લીધા હતા. આ વીડિયો હાલ સોશિયલ મીડિયા પર ફરતા થયા છે. સિટી બસમાં કેટલાક મુસાફરો પણ સવાર હતા જોકે તેમને સમયસર બચાવામાં સફળતા મળી છે. ઉલ્લેખનીય છે કે આગની જાણકારી મળતા ફાયર વિભાગ પણ સ્થળ પર દોડી ગયું હતું. આગ પર કાબુ મેળવવાના પ્રયત્નો તેમના દ્વારા તુરંત શરૂ કરી દેવાતા થોડા સમયમાં આગ પર કાબુ મેળવી લેવાયો હતો. બનાવને પગલે વિસ્તારમાં ભારે ચકચાર મચી ગઈ હતી.

સુરતના ગોડાદરા વિસ્તારમાંથી પસાર થતી સીટી બસમાં શોર્ટ સર્કિટ થતા આગ લાગી હતી. આગ લાગતા જ મુસાફરોને બસમાંથી ઉતારી દેવામાં આવ્યા હતા. આગની આ ઘટનામાં બસ સંપૂર્ણપણે બળીને ખાખ થઇ જવા પામી હતી. જો કે સદનસીબે આ ઘટનામાં કોઈ જાનહાની થવા પામી ન હતી.#Surat #Fire pic.twitter.com/Io7GDvEnJj

— Gujarat Tak (@GujaratTak) December 5, 2022

(વીથ ઈનપુટઃ સંજયસિંહ રાઠોડ, સુરત)