SURAT: ડોક્ટર યુવતીને સારવારના બહાને બોલાવી વારંવાર દુષ્કર્મ આચર્યું અને એક દિવસ

સુરતના અલથાણ વિસ્તારમાં રહેતી હતી ફિઝિયોથેરાપિસ્ટ યુવતી
સુરતના અલથાણ વિસ્તારમાં રહેતી યુવતી હોમ વિઝિટ કરીને ફિઝઇયોથેરાપીની પ્રેક્ટિસ કરે છે. વર્ષ 2021 માં અલથાણ સોહમ સર્કલ પાસે રહેતા મહેન્દ્ર વિરેન્દ્ર અભેસીંગ પટેલે રસ્તામાં અટકાવીને ડોક્ટરને ફિઝિયોથેરાપી માતા માટે કરાવવી હોવાનું કહીને નંબર મેળવ્યો હતો. ત્યાર બાદ નવસારી કોલેજમાં મુકવાના બહાને ધરમપુર અને ડુમ્મસ ફરવા પણ લઇ ગયો હતો.

કામ અપાવવાના બહાને યુવતીને પોતાની વાતોમાં ફસાવી
યુવક ફિઝિયોથેરાપિસ્ટ ડોક્ટર સાથે મિત્રતા થયા બાદ તેને ધરમપુર પણ લઇ ગયો હતો. ત્યાર બાદ ધરમપુર જતા સમયે બંન્ને એક જ કારમાં હતા ત્યારે કિસ કરી લીધી હતી. ત્યાર બાદ બંન્ને વારંવાર કારમાં એકાંત માણતા હતા. યુવતી વિદેશમાં માસ્ટર ડિગ્રી માટે જવા ઇચ્છતી હતી. ત્યાર બાદ પોસપોર્ટનું ઓનલાઇન ફોર્મ ભરવાના બહાને ઘરે બોલાવીને પણ શરીર સંબંધ બાંધ્યો હતો.

વિરેન્દ્ર પરણીત હોવાની વાત યુવતીથી છુપાવી
જો કે વિરેન્દ્ર પરિણીત અને એક સંતાનનો પિતા હોવાનું સામે આવ્યું હતું. જેના પગલે યુવતીએ પોતાની સાથે છેતરપિંડી થઇ રહી હોવાનું લાગ્યું હતું. જેથી વિરેન્દ્રએ યુવતીને પોતે છુટાછેડા લેવાનો છે અને ત્યાર બાદ લગ્ન કરીને ઓસ્ટ્રેલિયા જઇશું તેવા સપના દેખાડ્યા હતા.

પોતાની પત્ની અને બાળકની ઓળખ બહેન અને ભાણીયા તરીકે આપી
મોબાઇલ સ્ટેટસમાં અનેકવાર પોતાની પત્નીની ઓળખ બહેન તરીકે આપી હતી. જો કે એક દિવસ યુવતી અચાનક તેના ઘરે પહોંચી જતા સમગ્ર ભાડો ફુટી ગયો હતો. આખરે યુવતીએ અલથાણ પોલીસ મથકમાં પોલીસ ફરિયાદ દાખલ કરાવી હતી. જેના પગલે પોલીસે ફરિયાદ દાખલ કરાવીને વિરેન્દ્ર પટેલની ધરપકડ કરી છે.