SURAT: 250 મકાઈથી ઈકોફ્રેન્ડલી ગણેશ ભગવાનની મૂર્તિનું નિર્માણ કરાયુ, એના રેસાથી મૂષક પણ બનાવાયો

સુરત શહેરના વીર નર્મદ દ.ગુજરાત યુનિવર્સિટી કેમ્પસમાં મકાઈથી ભગવાન ગણેશની મૂર્તિ બનાવવામાં આવી છે. આ મૂર્તિને સવાર અને સાંજ બંને સમયે આરતી માટે લવાય છે. સુરતના આર્ટિસ્ટ ડોકટર આદિતી મિત્તલને આ મકાઈના ગણપતિ બનાવવા માટે પાંચ દિવસની મહેનત લાગી હતી. આ દરમિયાન તેમણે 250 મકાઈનો ઉપયોગ કર્યો હતો. જે આશરે 50 કિલોથી વધારે હશે. વળી આની સાથે આ મકાઈના ગણેશ ભગવાનની મૂર્તિ 5 ફૂટની બનાવાઈ છે. આને યુનિવર્સિટીના એમ્પી થિએટરમાં રાખવામાં આવી છે.

મૂર્તિના વિસર્જન પછી ખાસ પ્લાન…
ડો.આદિતી મિત્તલ છેલ્લા 6 વર્ષથી ઈકોફ્રેન્ડલી ગણેશ ભગવાનની મૂર્તિ બનાવતા આવે છે. તેમણે કહ્યું કે મૂર્તિનું વિસર્જન થશે ત્યારે આ મકાઈને પ્રસાદના રૂપે જરૂરિયાત હોય તેવા લોકોને વિતરિત કરાશે. જેનાથી ગણેશજીની આ સાચ્ચી પ્રાર્થના થશે. આદિતી મિત્તલના ગણેશજી તડબૂચ, ડ્રાયફ્રુટ્સ, નારિયેળ સહિતના ઈકોફ્રેન્ડલી મૂર્તિ બનાવી ચૂક્યા છે. જેને ઈન્ડિયા બુક ઓફ રેકોર્ડ્સ, ગુજકાત બુક ઓફ રેકોર્ડ્સમાં સ્થાન મેળવી ચૂક્યા છે.