ગુજરાતમાં નહી આવે બિપરજોય, સ્કાયમેટે કહ્યું વાવાઝોડું કરાંચી તરફ જશે પરંતુ તોફાની વરસાદ ધમરોળશે

સ્કાયમેટે જણાવ્યું કે, વાવાઝોડું આગળ વધતાની સાથે જ નબળું પડશે. વાવાઝોડું સતત ઉત્તર તરફ આગળ વધતું હોવાના કારણે ભારે વરસાદ પડશે. ગુજરાતના દરિયા કિનારે 100 થી 120 ની સ્પીડે ફૂંકાશે અને ભારે પવન ફુંકાતા કિનારાના વિસ્તારોમાં નુકસાનની પણ શક્યતાઓ છે. 15 જુન સુધીમાં ભારે પવન ફુંકાવાની પણ સ્કાયમેટ દ્વારા આગાહી કરવામાં આવી છે.

સ્કાયમેટના અનુસાર ગુજરાતમાં વાવાઝોડાની અસર આજ સાંજથી જ વર્તાવાની શરૂ થઇ જશે. દરિયા કિનારાના મોટા ભાગના વિસ્તારોમાં સામાન્ય વરસાદ વરસે તેવી શખ્યતા છે. મહારાષ્ટ્રના પણ કેટલાક વિસ્તારોમાં વાતાવરણમાં પલટો આવી શકે છે. આ ઉપરાંત વરસાદની પણ શક્યતા નકારી શકાય નહી. જો કે સૌથી વધારે ગુજરાતના દરિયા કિનારાના વિસ્તારમાં વરસાદની શક્યતા વર્તાઇ રહી છે. અહીં વરસાદ પણ તોફાની હશે.