Ahmedabad શહેરના ST ડેપોમાંથી બસની જ ચોરી થઈ ગઈ, પોલીસે દોટ મૂકી

2 કલાકની મહેનત બાદ દહેગામ નજીક મળી આવી બસ 

મળતી માહિતી અનુસાર,  અમદાવાદના કૃષ્ણનગર બસ ડેપોમાંથી ST બસની ચોરી થવાની માહિતી પોલીસને મળી હતી. જે પછી પોલીસ દ્વારા તપાસની કામગીરી શરૂ કરી હતી અને 2 કલાકની મહેનત બાદ દહેગામ નજીકથી એક વ્યક્તિ સાથે બસ મળી આવી હતી. પોલીસ તપાસમાં જાણવા મળ્યું કે, ચોરી કરનાર યુવક માનસિક અસ્થિર હતો તેમજ પોલીસ હાલ તપાસ કરી રહ્યું છે કે કેવી રીતે ST બસને ડેપોમાંથી ચોરી કરી અને દહેગામ સુધી પહોંચ્યો.