દાહોદમાં પત્નીને લેવા સાસરીમાં ગયેલા જમાઈએ સાસુની હત્યા કરી નાખી, ચોંકાવનારું છે કારણ

પત્નીને લેવા માટે આવ્યો હતો જમાઈ
વિગતો મુજબ દાહોદ જિલ્લામાં આવેલા પીપલેટમાં ગઈકાલે સાંજે જમાઈ પોતાની પત્નીને લેવા માટે સાસરીમાં પહોંચ્યો હતો. જોકે સાસુ-સસરાએ પોતાની દીકરીને ન મકલવાનું જણાવતા જ જમાઈ ઉશ્કેરાઈ ગયો હતો અને ધારિયા વડે બંને પર હુમલો કરી દીધો હતો.

હોસ્પિટલમાં સારવાર દરમિયાન સાસુનુ મોત
આ હુમલાની ઘટનામાં સાસુને ઈજા પહોંચતા તેને ગંભીર હાલતમાં હોસ્પિટલમાં સારવાર માટે ખસેડવામાં આવ્યા હતા. હોસ્પિટલમાં સારવાર દરમિયાન તેમનું મોત નિપજ્યું હતું. ત્યારે આ મામલે ચાકલીયા પોલીસ ઘટનાસ્થળે પહોંચી ગઈ હતી. ત્યારે હવે પોલીસે સાસુની હત્યા કરનારા જમાઈ સામે ગુનો નોંધવાની તજવીજ હાથ ધરી છે.