આદિવાસીઓ પ્રત્યે PM નો પ્રેમ જોઇને મને ભાજપમાં જોડાવાની પ્રેરણા મળી

મોહનસિંહ રાઠવા 50 વર્ષની રાજનીતિનો અનુભવ ધરાવે છે. તેઓએ 51 માં વર્ષે ભાજપમાં કેસરિયા કર્યા હતા. મોહનસિંહે જણાવ્યું કે, ગુજરાતમાં ભાજપ પાર્ટી લાંબા સમયથી સારૂ કામ કરી રહી છે. પીએમ મોદી વિશે મને ખુબ જ આદર છે. મારૂ ભગવાનની મુર્તિ આપીને સ્વાગત કરવામાં આવ્યું તે મોટી વાત છે. મારી લાગણી લાંબા સમયથી હતી પરંતુ આજે મે પગલું ભર્યું હતું.

અત્રે ઉલ્લેખીય છે કે, તેમણે દિલીપ સંઘાણીનો પણ આભાર વ્યક્ત કર્યો હતો. તેમણે જણાવ્યું કે, સંઘાણીજીએ મારુ માર્ગદર્શન કર્યું અને તેના કારણે મે આ નિર્ણય લીધો હતો. મારી એક લાગણી થઇ એટલે મે ભાજપ સાથે જોડાણ કર્યું છે. ગુજરાતમાં ભાજપ દ્વારા આદિવાસીઓનું કલ્યાણ કરનારી યોજનાઓ જાહેર કરી અને મારુ મન થયું અને મે જોડાણ કર્યું હતું.