સરદાર સરોવર નર્મદા ડેમની સપાટી 124.89 મીટરે પહોંચી, પાણીની આવકમાં સતત વધારો

રાજ્યની જીવાદોરી સમાન સરદાર સરોવર નર્મદા ડેમની જળ સપાટીમાં સતત વધારો થઈ રહ્યો છે. આ દરમિયાન નર્મદા ડેમમાં પાણીની આવકના કારણે નર્મદા ડેમની સપાટી 124.89 મીટરે પહોંચી છે. નર્મદા ડેમની કૂલ સપાટી 138. 68 મીટર છે. ત્યારે ગત વર્ષની જેમ આ વર્ષે પણ ઓવરફ્લો થશે તેવી શક્યતા છે. નર્મદા ડેમમાં હાલ પાણી ની આવક 77,955 ક્યુસેક છે. જેમાંથી રિવરબેડ પાવરહાઉસમાંથી નદીમાં – 19,220 ક્યૂસેક જાવક છે. જ્યારે કેનાલ હેડ પાવરહાઉસમાંથી કેનાલમાં જાવક – 5,244 ક્યુસેક છે. આમ બંને મળી ને પાણીની કુલ જાવક – 24,464 ક્યુસેક છે.

આ વર્ષે પણ વરસસે વરસાદ
રાજ્યમાં સતત વરસાદ વરસી રહ્યો છે. આ દરમિયાન વરસાદને પગલે રાજ્યના અનેક જળાશયોમાં પાણીની આવકમાં વધારો થઈ રહ્યો છે. ત્યારે આ દરમિયાન 24 કલાકમાં ડેમમાં પાણીની સપાટીમાં 53 સે.મી.નો વધારો થયો છે. આ વર્ષે પણ જો આમ જ વરસાદ વરસ્તો રહે તો સરદાર સરોવર નર્મદા ડેમની જળસપાટીમાં વધારો થશે અને ઓવરફ્લો થવાની શક્યતા છે. વરસાદની સિઝનના બીજા વરસાદમાં જ નર્મદા સરોવરની જળ સપાટી 124. 89 મીટર સુધી પહોંચી છે. અને ગયા વર્ષની જેમ આ વર્ષે પણ નર્મદા ડેમ ઓવરફ્લો થવાની આશા બંધાઈ છે.

(વિથ ઈનપુટ: નરેન્દ્ર પેપરવાલા, નર્મદા)