પાવાગઢ જવાના હોવ તો આ ખાસ વાંચી લેજો, ભક્તો માટે 6 દિવસ બંધ રહેશે આ સુવિધા

6 દિવસ રોપવે સેવા રહેશે બંધ

પાવાગઢ ખાતે તારીખ 5 ઓગસ્ટથી 10 ઓગસ્ટ સુધી રોપ વે સેવા બંધ રહેશે. મેન્ટેનન્સની કામગીરી માટે પાવગઢમાં 6 દિવસ સુધી રોપ-વે સેવા બંધ રાખવાનું ઉષા બ્રેકો કંપની દ્વારા નક્કી કરવામાં આવ્યું છે. મેન્ટેનન્સની કામગીરી પૂર્ણ થયા બાદ રોપ-વે સેવા રાબેતા મુજબ ચાલું થઈ જશે. જોકે, આ દરમિયાન ભક્તો ડુંગર ચડીને માતાજીના દર્શન કરવા જઈ શકશે. 

10 ઓગસ્ટ સુધી રોપવે સેવા બંધ રહેશે

પાવગઢ મંદિર ખાતે મહાકાળી માતાજીના દર્શનાર્થે દરરોજ હજારોની સંખ્યામાં માઈભક્તો આવતા હોય છે. પાવગઢ ડુંગર પર બિરાજમાન મહાકાળી માતાજીના દર્શન કરવા જતા યાત્રાળુઓની સુવિધા માટે રોપ-વે ઉપલબ્ધ છે. આ રોપ-વેની સમય-સમય પર મેન્ટેનન્સી કામગીરી કરવામાં આવતી હોય છે. ત્યારે આ વખતે 6 દિવસ સુધી મેન્ટેનન્સી કામગીરી હાથ ધરાશે. જેથી 10 ઓગસ્ટ સુધી રોપવે સેવા બંધ રહેશે.

ઈનપુટઃ જયેન્દ્ર ભોઈ, પાવાગઢ