આ છે સુરતના સૌથી શ્રીમંત ગણપતિ, ‘બાપ્પા’ને 25 કિલોના સોના-ચાંદીના દાગીનાનો ખાસ શણગાર

ગણપતિ દાદાને પહેરાવાયા રૂ.12 લાખના દાગીના
સુરતની દાળિયા શેરીમાં મહીધરપુરાના મંડળ દ્વારા આ આયોજન કરવામાં આવ્યો છે. 50 વર્ષથી દાળિયા શેરીમાં ગણેશ મહોત્સવનું આયોજન કરાય છે. ત્યારે આ વર્ષે ગોલ્ડન જ્યુબીલી વર્ષ નિમિત્તે ભવ્ય મંડપમાં ગણેશજીનું સ્થાપન કરવામાં આવ્યું છે. જેમાં રૂ.12 લાખના દાગીના ગણપતિને પહેરાવાયા છે. જેમા મુગટ, બાજુબંધ, હાથ અને પગમાં કવર તેમજ કેડે કંદોરો અને નવલખા હાર છે.

મંડપમાં ગણેશજીની 108 ચાંદીની પ્રતિમા
સાથે જ મંડપમાં 108 ગણેશજીની ચાંદીની પ્રતિમા એક દાતા દ્વારા દાનમાં આપવામાં આવી છે. આ ઉપરાંત 1,50,000 લાખ ડાયમંડથી બનેલી પાન આકારની મૂર્તિ અને 7 કિલો ચાંદીના મુષક રાજ પણ વિશેષ આકર્ષણ જમાવી રહ્યા છે.