આશા વર્કર્સને આનંદો! સરકારે 2500 રૂપિયાનો પગાર વધારો કર્યો, હવે નવો પગાર…

આ અંગે સરકાર દ્વારા આજે આશા વર્કર અને આશા ફેસિલિટેટરને પગાર વધારો જાહેર કરવામાં આવ્યો છે. ગુજરાત સરકાર દ્વારા અત્યાર સુધી આશા વર્કરને 6000 રૂપિયા અને આશા ફેસિલિટેટરને 4000 રૂપિયા ચુકવવામાં આવતા હતા. આશા વર્કર અને આશા ફેસિલિટેટરને પ્રતિ વિઝિટ ચુકવણી કરવામાં આવતી હતી.

જો કે સરકાર દ્વારા હવે પગાર વધારો જાહેર કરવામાં આવ્યો છે. એટલે કે આશા વર્કરને 2500 રૂપિયાનો વધારો આપવામાં આવ્યો છે. જેથી હવે આશા વર્કરને 8500 રૂપિયા પગાર મળશે. જ્યારે આશા ફેસિલિટેટરને 4000 રૂપિયા ચુકવાતા હતા તેમાં સરકારે 2000 નો વધારો કરતા હવે 6000 પગાર વધારો ચુકવવામાં આવશે. આ ઉપરાંત બંન્નેને પ્રતિ વર્ષ 2 જોડી કપડા પણ આપવામાં આવશે.