સરકારી કર્મચારીઓને આનંદો! મોંઘવારીમાંથી મળશે મુક્તિ, પગાર વધારો જાહેર કરાયો

ગાંધીનગર : રાજ્ય સરકારના કર્મચારીઓ-પેન્શનર્સને મળતા મોંઘવારી ભથ્થામાંમાં ૩ ટકાનો વધારો આપવાનો સરકાર દ્વારા નિર્ણ લેવામાં આવ્યો છે. આ વધારો જાન્યુઆરી 2022 થી લાગુ થશે. એટલે કે જાહેરાત આજે થઇ પરંતુ તે વધારો જાન્યુઆરીથી લાગુ ગણાશે. તેથી જાન્યુઆરીથી- ઓગસ્ટ સુધીનો વધારો કર્મચારીઓને હપ્તે હપ્તે ચુકવી દેવાશે. ચાલુ મહિનાથી આ પગાર વધારો લાગુ થઇ જશે. એટલે કે કર્મચારીનો પગાર વધીને જ આવશે. સાતમા પગાર પંચનો લાભ મેળવતા કર્મચારીઓ-પેન્શનર્સ મળી ૯.૩૮ લાખ લોકોને લાભ મળશે. ૦૧-૦૧- ૨૦૨૨થી મળવાપાત્ર થતો મોંઘવારી ભથ્થાનો સાત મહિનાના તફાવતની રકમ ત્રણ હપ્તામાં ચૂકવાશે. પ્રથમ હપ્તો ઑગસ્ટ-૨૦૨૨ બીજો હપ્તો સેપ્ટેમ્બર-૨૦૨૨ના પગાર સાથે તેમજ ત્રીજો હપ્તો ઓક્ટોબર માસના પગાર સાથે આપવામાં આવશે.