રાજેન્દ્ર ત્રિવેદી- પૂર્ણેશ મોદી તો માત્ર ટ્રેલર હતા, હજી બીજા 5 મંત્રીઓના રાજીનામા લઇ લેવાશે!

જો કે આ અંગે બીજા સૌથી ચોંકાવનારા સમાચાર સુત્રોના હવાલાથી આવી રહ્યા છે કે, માત્ર ફિલ્મનું ટ્રેલર હતું પરંતુ હજી આખી ફિલ્મ બાકી છે. ભાજપના વિશ્વસ્થ સુત્રો પાસેથી મળતી માહિતી અનુસાર રાજેન્દ્ર ત્રિવેદી અને પૂર્ણેશ મોદી બાદ હજી પણ 3 નેતાઓનાં નામ હિટ લીસ્ટમાં છે. વાણીવિલાસ કરતા, નિષ્ક્રિય અને ભ્રષ્ટાચારી નેતાઓની યાદી પર ગુજરાત ભાજપ કામ કરી રહ્યું છે. ટુંક જ સમયમાં આ નેતાઓને પણ રાજીનામા આપવા અથવા તો વિભાગો છીનવી લેવાની કામગીરી થઇ શકે છે.

ભાજપ સુત્રો અનુસાર આગામી ટુંક સમયમાં PM મોદી ગુજરાતનાં મહેમાન બનવાનાં છે. ત્યારે આ અંગે નિર્ણય લેવામાં આવી શકે છે. ચૂંટણી પહેલા હજી પણ અનેક મંત્રીઓનાં રાજીનામાં પડે તો નવાઇ નહી. ભાજપ હાલ આવા નેતાઓને હાંકી કાઢીને એક શાખ બનાવવા માંગે છે. આ ઉપરાંત અન્ય નેતાઓથી માંડીને કાર્યકર્તાઓમાં સંદેશ પહોંચાડવા માંગે છે કે, ભાજપ છે તો તમે છો. તમે છો તો ભાજપ નથી. ભાજપ એક મજબુત પકડ ધરાવતો પક્ષ છે. આ કોઇ વ્યક્તિની નહી પરંતુ પક્ષ અને પીએમ મોદીની સીધી જ પકડ છે. તેવામાં હજી કેટલી વિકેટો પડે છે તે તો આગામી સમય જ બતાવશે. હાલ તો આ હિટ લિસ્ટમાં 3-5 નામ હોવાનું સુત્રો જણાવી રહ્યા છે.