વલસાડમાં કીર્તિદાન ગઢવીના ડાયરામાં રૂપિયાનો એવો વરસાદ થયો કે સ્ટેજ પર નોટોની ચાદર પથરાઈ ગઈ

વ્યંઢળ સમાજે પણ કર્યો નોટોનો વરસાદ
કીર્તિદાન અને વનિતા પટેલના ભજન કાર્યક્રમમાં લોકોએ 100 રૂપિયાની નોટોનો વરસાદ કર્યો હતો, જેમાં સ્ટેજ પર યુવાનો અને વડીલોએ રૂપિયાનો વરસાદ કર્યો હતો અને સમગ્ર સ્ટેજ નોટોથી ભરાઈ ગયું હતું. કાર્યક્રમમાં વ્યંઢળ સમાજે પણ નોટોનો વરસાદ કર્યો હતો. ગુજરાતમાં દર વખતે ભજનના કાર્યક્રમમાં કરોડો રૂપિયાનો વરસાદ થાય છે.

ગાયોની સેવાના આશયથી ભજન કાર્યક્રમનું આયોજન કરાયું હતું
વલસાડ અગ્નિવીર ગૌ સેવા દળ રક્ષા દળ દ્વારા આયોજિત આ ભજનના કાર્યક્રમમાં લાખો રૂપિયાનું દાન આપવામાં આવ્યું હતું. ગાયોની સેવા કરવાના આશયથી આ કાર્યક્રમનું આયોજન કરવામાં આવ્યું હતું, જેમાં બિમાર ગાયોની સારવાર પણ કરવામાં આવી હતી અને એવી ગાયોની સેવા કરવાનો કાર્યક્રમ રાખવામાં આવ્યો હતો જેનો કોઈ માલિક નથી