કચ્છમાં સતત ત્રીજા દિવસે માવઠું, કરા સાથે ધોધમાર વરસાદ પડ્યો, મોરબીમાં ગાજવીજ સાથે વરસાદી ઝાપટું

મોરબીમાં બપોર બાદ વાતાવરણમાં પલટો
બીજી તરફ મોરબીમાં પણ વાતાવરણમા અચાનક પલટો આવ્યો હતો અને ગાજવીજ સાથે જોરદાર વરસાદ ઝાપટું પડ્યું હતો. વીજળીના કડાકા ભડાકા સાથે વરસાદ પડતા ચોમાસા જેવું વાતાવરણ સર્જાયું હતું. મોરબીના શનાળા રોડ, રવાપર રોડ, સો ઓરડી જેવા અનેક વિસ્તારમાં જોરદાર પવન સાથે ઝાપટું પડ્યું હતું.

બનાસકાંઠામાં પણ કરા પડ્યા
તો બનાસકાંઠામાં પણ આજે વાતાવરણ પલટાયું હતું. સવારથી ગાજવીજ સાથે જિલ્લાના અનેક વિસ્તારોમાં વરસાદ પડ્યો હતો. તો ધાનેરાના બોર્ડર વિસ્તારમાં કરા સાથે વરસાદ પડ્યો હતો. બાપલા, કુંડી, વાછોલ તથા માંડલમાં કમોસમી વરસાદ પડ્યો હતો.

(વિથ ઈનપુટ: કૌશિક કાંઠેચા, રાજેશ આંબલીયા)