ભાવનગરના મહુવામાં પડ્યા કરાઃ જુઓ Video વરસાદની સટાસટી

ભાવનગરમાં હવામાન ખાતાની આગાહી પગલે વરસાદ પડ્યો છે. કેટલાક વિસ્તારોમાં ભારે વરસાદની સટાસટી સાથે કરા પડ્યા છે. વરસાદ સાથે કરા પડતા ખેડૂતોના ઉભા પાકને ભારે નુકસાનીની ભીતિ સેવાઈ રહી છે. ભાવનગર જિલ્લાના મહુવા તાલુકાના મોટાખુટવડા ગામે અચાનક વાતાવરણમાં પલટો આવ્યો છે. અસહ્ય ગરમી તેમજ બફારા સાથે વરસાદી વાતાવરણ થવા પામતા વરસાદી વાતાવરણ વચ્ચે ગ્રામ્ય વિસ્તારમાં બરફના કરા પડ્યા છે. બરફના કરા પડતા ગામ લોકોને આશ્ચર્ય થયું હતું કે, જવલ્લે જ આવી ઘટના અહીં થતી હોય છે. વરસાદી માહોલને લઈને વાતાવરણમાં ઠંડક પ્રસરી હતી, પરંતુ ગુજરાતનો તાત મુશ્કેલીમાં મુકાયો હતો. કારણ કે ખેતરમાં ઊભો પાક ઘઉં-ડુંગળી તેમજ કેરીના પાકને ભારે નુકસાની થવાની વિધિ છે. કુદરતની આફત સામે ખેડૂત બન્યો લાચાર.

(ઈનપુટઃ નીતિન ગોહિલ, ભાવનગર)