પોરબંદરઃ પ્રચાર બંધ થવા છતા સફાઈકર્મીઓને બોલાવી ભાજપને મત આપવા ધમકાવાયાની ચૂંટણી પંચને રજૂઆત

ચૂંટણી અધિકારીને જાણ હોવા છતા કાર્યવાહી નહીં
બાબત એવી છે કે, ગુજરાત વિધાનસભા બેઠકો પર સતત ચૂંટણી પ્રચાર અને પ્રસારના ધમધમાટ વચ્ચે ગત સાંજથી પ્રથમ તબક્કાના પ્રચાર પડઘમ શાંત થયા છે. 89 બેઠકો પર 1 ડિસેમ્બરે મતદાન થવાનું હોવાથી નિયમ પ્રમાણે હવે ત્યાં પ્રચાર પ્રસારની કામગીરી થઈ શકે નહીં. જોકે પોરબંદર જિલ્લા કોંગ્રેસ પ્રમુખે હમણાં ચૂંટણી કમિશનરને રજૂઆત કરી છે. જેમાં તેમણે પોરબંદર છાયા પાલિકાના પ્રમુખ સુરજ કારિમીયા અને ચીફ ઓફીસરની કામગીરીને લઈને રોષ ઠાલવ્યો હતો. તેમણે આ બંને સામે કાર્યવાહી કરવા રજૂઆત કરી છે. તેમની રજૂઆત પ્રમાણે ચૂંટણી પ્રચાર બંધ થઈ ગયા પછી સફાઈ કર્મચારીઓની મિટિંગ બોલાવી અને ભાજપ તરફી મતદાન કરવા ધમકી આપી છે. પોરબંદર જિલ્લા ચૂંટણી અધિકારીને આ બેઠક અંગે અગાઉથી જાણ હોવા છતા તેમણે કોઈ કાર્યવાહી નથી કર્યાની પણ તેમણે રજૂઆત કરી છે.

પોરબંદર જિલ્લા કોંગ્રેસ પ્રમુખે હમણાં ચૂંટણી કમિશનરને રજૂઆત કરી કે છાયા પાલિકાના પ્રમુખ સુરજ કારિમીયા અને ચીફ ઓફીસર સામે કાર્યવાહી કરો, ચૂંટણી પ્રચાર બંધ થઈ ગયા પછી સફાઈ કર્મચારીઓની મિટિંગ બોલાવી અને ભાજપ તરફી મતદાન કરવા ધમકી આપી. #Gujarat #Election2022 #ElectionWithGujaratTak pic.twitter.com/em6kJflKNQ

— Gujarat Tak (@GujaratTak) November 30, 2022

(વીથ ઈનપુટઃ અજય શીલુ, પોરબંદર)