ગુજરાતની રાજનીતિમાં ચૂંટણી પ્રચારમાં બાળકોને ઉતારાયા, બાળ નિર્દોષતાનો ઉપયોગ?

નરેન્દ્ર મોદી
સૌ પ્રથમ વાત કરીએ વડાપ્રધાન નરેન્દ્ર મોદી જ્યારે સુરેન્દ્રનગર આવ્યા હતા ત્યારે ભાજપના જ ઉમેદવારની સંબંધી થતી એક દીકરી આધ્યા સાથેનો તેમનો વીડિયો તમે જોયો હશે. વીડિયોમાં તેઓની સાથે ઊભેલી દીકરી ભાજપ અને તેના માટે વોટ અને તેના માટે પ્રચાર કેવી રીતે કરે છે તે પણ જોયું હતું. લગભગ આ વીડિયો જોનારા તમામ દીકરીની વાકપટુતાથી અચંબીત થઈ ગયા હતા. ખુદ મોદીને પણ દીકરીની વાતો પ્યારી લાગી હતી. તેમણે તેને ઓટોગ્રાફ આપ્યો હતો. જોકે તે પ્રચાર વખતે પણ દીકરીની માસુમીયત સાથે ચૂંટણીનો પ્રચાર થયો હતો.

ગુજરાતીઓ ના મન મસ્તીષ્ક પર છવાયો વિકાસ.
“અમને તો ફાવશે જ ભાજપ, ફરી આવશે જ ભાજપ..” #કમળ_સાથે_સમૃદ્ધ_ગુજરાત pic.twitter.com/hpVa9OSkyM

— BJP (@BJP4India) November 21, 2022

રિવાબા જાડેજા
હાલાર માજી સૈનિક મંડળ સ્નેહ મિલન સહિતના કાર્યક્રમોમાં રિવાબા જાડેજા સાથે બાળકો દૃશ્યમાન થયા છે. અહીં સુધી કે તેમણે મત માગવા માટે જે સોશિયલ મીડિયા પોસ્ટર બનાવ્યું તેમાં પણ બાળક સાથેની પોતાની તસવવીર દર્શાવી હતી. જેમાં તેમણે આગામી વિધાનસભામાં મત આપો વગેરે જેવા લખાણ લખી એક સરસ આકર્ષક દેખાય તેવા લુક સાથે રજૂ કરીને સોશિલય મીડિયા પર પોસ્ટ કરી હતી. જેમાં ત્રણ તસવીરો પણ હતી જે પૈકીની એક તસવીરમાં તેઓ એક બીલકુલ નાના ભુલકાને તેડી લાડ લડાવતી મુદ્રામાં દેખાય છે. બાળક સાથેની આ ક્યૂટ તસવીર લોકોના મનમાં એક અલગ છાપ ઊભી કરતી હોય છે.

ગોધરામાં ઓવૈસીની સભા
હજુ હમણા જ એઆઈએમઆઈએમના પ્રમુખ અસદુદ્દીન ઓવૈસીની ગોધરામાં સભા થઈ હતી. દરમિયાન તેમણે ભાજપ, કોંગ્રેસ અને આમ આદમી પાર્ટી પર પોતાના આગ વરસાવતા શબ્દોથી પ્રહારો કર્યા હતા. જંગી મેદની આ કાર્યક્રમમાં હાજર હતી ત્યારે એક બાળક દ્વારા અહીં સ્પીચ પણ આપવામાં આવી હતી અને ઉમેદવાર માટે મત માગવામાં આવ્યા હતા. સ્ટેજ પર અન્ય બાળકોની પણ સતત અવરજવર રહી હતી. ઓવૈસી તે બાળકો સાથે હળવી વાતચિત કરતા જોવા મળ્યા હતા. જોકે ચૂંટણીમાં અહીં પણ બાળકના મોંઢે પાર્ટીની વાહવાઈ અને પ્રચાર પ્રસાર થયા હતા.

ગેનીબેન ઠાકોર
આ ઉપરાંત કોંગ્રેસના નેતાઓ પણ ક્યાં પાછા પડ્યા છે. કોંગ્રેસના વાવ વિધાનસભાના ઉમેદવાર ગેનીબેન ઠાકોર દ્વારા પણ જ્યારે ચૂંટણી કેમ્પેઈન કરવામાં આવ્યું ત્યારે શાળાના બાળકો સાથેનો પોતાનો ખુશખુશા મુદ્રામાં ફોટો પડાવવામાં આવ્યો હતો અને તે પછી તેને સોશિયલ મીડિયા પર પોસ્ટ કરાયો હતો. ખુદ ગુજરાત કોંગ્રેસ દ્વારા પોતાના ઓફિશ્યલ સોશિયલ મીડિયા એકાઉન્ટ પર તેને પોસ્ટ કરવામાં આવ્યો હતો.

વાવ વિધાનસભાના કોંગ્રેસના ઉમેદવાર શ્રી ગેનીબેન ઠાકોરને જનતાનું અભૂતપૂર્વ સમર્થન @GenibenThakor#CongressAaveChe pic.twitter.com/3oR1Ct8i7x

— Gujarat Congress (@INCGujarat) November 24, 2022

AAPના CM ફેસ ઈસુદાન ગઢવી
ઉપરાંત જ્યારે બધા જ રાજકીય નેતાઓ હોય ત્યાં આમ આદમી પાર્ટી ક્યાં બાકી રહી જવાની હતી. આમ આદમી પાર્ટીના સીએમ ફેસ અને જામખંભાળિયા બેઠકના ઉમેદવાર ઈસુદાન ગઢવીએ પણ થોડા દિવસો પહેલા પોતાના સોશિયલ મીડિયા એકાઉન્ટ પર સ્લો મોશન સાથેનો એક વીડિયો મુકવામાં આવ્યો હતો જેમાં બાળકો સાથે તેઓ ખુશખુશાલ મુદ્રામાં જોવા મળ્યા હતા. તેમાં લખાયું હતું કે બાળકોના પ્યારા ઈસુદાન ગઢવી. બાળકો સાથેની આ માસુમ પળને પણ ચૂંટણી દરમિયાન અસરકારક રીતે દર્શાવાઈ હતી.

Love for @isudan_gadhvi in villages of Gujarat

They have hope from AAP and Isudan bhai. Only they can improve condition of government schools in Gujarat!

Ek Moko Isudan Ne
Ek Moko Kejriwal Ne pic.twitter.com/7JDg0TbMux

— Dr Safin ?? (@HasanSafin) November 17, 2022

આમ આદમી પાર્ટી આજે લાખો લોકોની આશા બની છે.

નાના નાના ગામડાઓમાં આમ આદમી પાર્ટી પ્રત્યે જે પ્રેમ, જે શ્રદ્ધા જોવા મળી રહી છે તે અવિશ્વસનીય છે.

એક એક વ્યક્તિ,
એક એક આમ આદમી ગુજરાતમાં પરિવર્તન લાવશે.#BadlaavNoAavyoVakhat pic.twitter.com/IaZbSJKIIY

— Isudan Gadhvi (@isudan_gadhvi) November 20, 2022

જીતુ વાઘાણી
ઉપરાંત ભાજપના નેતા અને શિક્ષણમંત્રી જીતુભાઈ વાઘાણીએ પણ હાલમાં કમાને પોતાના ચૂંટણી પ્રચારમાં ઉતારવામાં આવ્યા છે. એક માનસિક અસ્વસ્થ કમાની સરખામણી હમણા જ થોડા દિવસ પહેલા અંબાજીમાં આવેલા ભાજપના નેતાએ કોંગ્રેસના રાહુલ ગાંધી સાથે કરી ત્યારે તો ભાજપના નેતાઓ ભારે હાહા…હીહી… કરતા હતા અને તેના પછી કોંગ્રેસ પણ જાણે રાહુલ ગાંધીનું અપમાન થઈ ગયું હોય તેમ અંબાજીમાં ભાજપના નેતાના આ નિવેદનનો વિરોધ કરીને નારાજગી વ્યક્ત કરતું હતું. જોકે તે પછી ભાજપના જ નેતાએ તેમની માસુમ છબી સાથે ચૂંટણી પ્રચાર શરૂ કર્યો છે. જોકે તે ઉપરાંત પણ તેમણે થોડા જ સમય પહેલા એક માસુમ બાળકનો વીડિયો પોસ્ટ કર્યો હતો જેમાં તેઓ ખુરશી પર બેઠા હતા ઠાઠથી અને તેમની સામે બાળક બોલતું હતું. આ વીડિયો સાથે તેમણે લખ્યું હતું કે બચ્ચા બચ્ચા બોલતા હૈ, મોદી મોદી મોદી…

बच्चा बच्चा बोलता है,
मोदी, मोदी, मोदी…@PMOIndia | @narendramodi pic.twitter.com/a8sGn7XtgS

— Jitu Vaghani (@jitu_vaghani) November 22, 2022

બે દાયકા પહેલા ગુજરાતમાં દીકરીઓના શિક્ષણની સ્થિતિ ઘણી કથળેલી હતી. પરંતુ માનનીય શ્રી નરેન્દ્રભાઈ મોદીએ કન્યા કેળવણીનું બીડું ઉપાડયું. આજે ગુજરાતની અનેક દીકરીઓ દેશ-દુનિયામાં રાજ્યનું નામ રોશન કરી રહી છે. ઊર્જા અને ઉત્સાહથી સભર રાજ્યની દરેક દીકરી કહે છે..
#આ_ગુજરાત_મેં_બનાવ્યું_છે pic.twitter.com/cewiwSLIpH

— Bhupendra Patel (@Bhupendrapbjp) November 23, 2022

વડોદરામાં છવાયું “કમળ” #ગુજરાતના_દિલમાં_ફક્ત_ભાજપ pic.twitter.com/Jv6LGLp89w

— C R Paatil (@CRPaatil) November 23, 2022