બુટલેગરોએ પોલીસ સ્ટેશનમાં જ કોન્સ્ટેબલને ધોઈ નાખ્યો, વિવિધ ટીમો સક્રિય થઈ

અમદાવાદઃ ગુજરાત રાજ્યમાં દારૂ બંધી તો છે છતા બુટલેગરો બેફામ રીતે દારૂનો ધંધો ચલાવતા નજરે પડ્યા છે. એટલું જ નહીં હવે આ દરમિયાન વટવા પોલીસ સ્ટેશનની એક એવી ઘટના સામે આવી છે જેણે બધાને ચોંકાવી દીધા છે. બુટલેગરે અચાનક જ પોલીસ સ્ટેશનમાં ઘુસીને કોન્સ્ટેબલ પર હુમલો કરી દીધો હતો. તેવામાં અહીં સતત વધી રહેલા દારૂના વેચાણ સહિત બુટલેગરોની દાદાગીરીએ પોલીસની કામગીરી સામે સવાલો ઉભા કરી દીધા છે.