પોલીસ કમિશ્નર અને કલેક્ટર ભગવાન હોય તેવી રીતે વર્તે છે: હાઇકોર્ટે સરકારની ઝાટકણી કાઢી

અમદાવાદ : બે મહિના પહેલા એરપોર્ટ પરથી ઘરે જઇ રહેલા દંપત્તીને તોડ કરવાના કાંડમાં સમગ્ર મામલો છેક સરકાર સુધી પહોંચી હતી. ત્યાર બાદ દંપત્તી દ્વારા પોલીસને રૂપિયા 60 હજાર રૂપિયા ચુકવવા પડ્યા હતા. સમગ્ર મામલો પોલીસ સ્ટેશન પહોંચતા પોલીસે તમામ ત્રણ પોલીસ કર્મચારીઓની ધરપકડ કરી છે. ત્યાર બાદ સમગ્ર મામલો હાઇકોર્ટમાં પહોંચ્યો હતો. રાજ્ય સરકાર દ્વારા આ મામલે હાઇકોર્ટમાં સોગંદનામું દાખલ કરવામાં આવ્યું હતું. સરકારી અને પોલીસ અધિકારીઓ વિરુદ્ધ ફરિયાદ માટે 1064 નંબર પણ જાહેર કર્યો હતો. જાગૃતી લાવવા માટે જાહેર સ્થળો પર હોર્ડિંગ, નોટિસ અને બેનર નંબર પણ લગાવાયા હતા.