જાહેરસભામાં PM મોદીને પૂર્વ MLA એ ગુપ્ત ચિઠ્ઠી આપ્યા બાદ ગુજરાતની રાજનીતિમાં ગરમાવો

દિગ્ગજ નેતાઓમાં કાનાફુસી શરૂ થઇ ગઇ
જો કે આ ચિઠ્ઠીમાં શું લખ્યું તે અંગે ભાજપનાં તમામ દિગ્ગજ નેતાઓમાં કાનાફુસી શરૂ થઇ ગઇ હતી. નવસારી શહેરમાં ચાર બેઠકના ઉમેદવારના પ્રચારનો કાર્યક્રમ યોજાયો હતો. જેમાં વડાપ્રધાન મોદી સ્ટેજ પર પ્રવેશતા જ નવસારીના પૂર્વ ધારાસભ્ય પીયુષ દેસાઇને મળ્યા હતા. તેમની દીકરી ક્યાં બેસે છે તે અંગે પુછપરછ કરી હતી. આ કાર્યક્રમ પુર્ણ થયા બાદ વડાપ્રધાન પરત ફરી રહ્યા હતા ત્યારે અચાનક જ ધારાસભ્યની વાત સાંભળીને પૂર્વ ધારાસભ્યએ પોતાના ખીચ્ચામાંથી ચિઠ્ઠી વડાપ્રધાનને આપી હતી.

(પૂર્વ ધારાસભ્ય પીયુષ દેસાઇ તથા તેની પુત્રી પ્રાચી દેસાઇ)

જો કે પીયુષ દેસાઇએ કહ્યું ચિઠ્ઠીમાં સામાન્ય વાતચીત
જો કે આ અંગે પીયુષ દેસાઇનો સંપર્ક કરવામાં આવતા તેમણે જણાવ્યું કે, પ્રાચી દેસાઇએ વડાપ્રધાનને ચિઠ્ઠી લખી હતી. જે તેમણે પીએમ સુધી પહોંચાડી હતી. જેમાં ખાસ કંઇ જ નહી હોવાની વાત પીયૂષ દેસાઇને જણાવી હતી. જો કે ગઇકાલે નવસારી શહેરમાં આ ચિઠ્ઠીના પગલે ભાજપના નેતાઓમાં કાનાફુસી શરૂ થઇ ચુકી છે.