સમાચારની વાત હોય ત્યારે PM મોદીની પહેલી પસંદ ‘ગુજરાત તક’, જાણો કેમ

PM મોદીએ સોશિયલ મીડિયા પર શેર કર્યો વીડિયો

રાજકોટ પ્રવાસ દરમિયાન ચીફ જસ્ટિસ દ્વારા ગુજરાતી ભાષામાં સંબોધન કરવામાં આવતા વડાપ્રધાન નરેન્દ્ર મોદીએ પણ તેની નોંધ લીધી. ચીફ જસ્ટિસ ઓફ ઈન્ડિયા ડી.વાય ચંદ્રચુડનો ગુજરાતી ભાષાના સંબોધનનો વીડિયો ‘Gujarat Tak’એ અપલોડ કર્યો હતો, ત્યારે વડાપ્રધાન નરેન્દ્ર મોદીએ પણ ‘Gujarat Tak’ના આ વીડિયોને પોતાના સોશિયલ મીડિયા હેન્ડલ પર શેર કર્યો છે.

મુખ્ય ન્યાયાધીશ રાજકોટને સારી રીતે સમજી ગયા: PM

પીએમ મોદીએ સોશિયલ મીડિયા પ્લેટફોર્મ એક્સ (અગાઉ ટ્વિટર) પર વીડિયો શેર કરતા લખ્યું છે કે, ‘આપણી સર્વોચ્ચ અદાલતના આદરણીય મુખ્ય ન્યાયાધીશ રાજકોટને સારી રીતે સમજી ગયા છે! ગુજરાતીમાં બોલવાનો અને લોકો સાથે જોડાવાનો તેમનો આ સરાહનીય પ્રયાસ…’

આપણી સર્વોચ્ચ અદાલતના આદરણીય મુખ્ય ન્યાયાધીશ રાજકોટને સારી રીતે સમજી ગયા છે! ગુજરાતીમાં બોલવાનો અને લોકો સાથે જોડાવાનો તેમનો આ સરાહનીય પ્રયાસ….. https://t.co/R15Z1PimwJ

— Narendra Modi (@narendramodi) January 7, 2024

‘Gujarat Tak’ PM મોદી માટે સમાચારનું બન્યું પ્રથમ સ્ત્રોત

વડાપ્રધાન નરેન્દ્ર મોદી દ્વારા ‘ગુજરાત તક’ના વીડિયોને પોતાના સોશિયલ મીડિયા પ્લેટફોર્મ પર શેર કરવામાં આવ્યો છે. જેથી એવું કહી શકાય છે કે ‘ગુજરાત તક’ વડાપ્રધાન માટે સમાચાર અને માહિતીનું પ્રથમ સ્ત્રોત બન્યું છે.