યાત્રામાં ચાલવા 25000ના બુટ જોઈએ, રાજકારણમાં ચાલવા દિમાગ જોઈએઃ પરેશ રાવલે રાહુલ ગાંધીને લીધા આડે હાથ

પરેશ રાવલે રાહુલ ગાંધીની યાત્રાને લઈને કહ્યું…
વલસાડમાં આવેલા પરેશ રાવલે ભાજપની પ્રતિસ્પર્ધી પાર્ટીઓને આડેહાથ લીધી હતી. તેમના પર શબ્દબાણ ચલાવ્યા હતા. દરમિયાન તેમણે રાહુલ ગાંધી પર વાકબાણ ચલાવતા કહ્યું કે, તમે જેટલું પણ ફરી લો કોંગ્રેસનું કશું થવાનું નથી. આપણા એક ભાઈ નીકળ્યા છે ભારત જોડો કરવા, તે યાત્રામાં ચાલી શકે, રાજકારણમાં ના ચાલે. યાત્રામાં ચાલવા માટે 25 હજારના બુટ જોઈએ, રાજકારણમાં ચાલવા દિલમાં નીયત જોઈએ અને દિમાગ જોઈએ. બે અઢી હજાર કિલોમીટર ગમે તેટલા ચાલો તેનાથી કાંઈ ફરક ન પડે. મને તો નવાઈ લાગે છે કે કોઈ લેવા દેવા વગર માણસ અઢી હજાર કિલોમીટર ચાલવા નીકળ્યો છે.

#Valsad માં પરેશ રાવલે રાહુલ ગાંધીને લીધા આડે હાથ, કહ્યું યાત્રામાં ચાલે પણ રાજકારણમાં ના ચાલે#Gujarat #Election2022 #electionwithgujarattak @SirPareshRawal pic.twitter.com/lylEsYuzk8

— Gujarat Tak (@GujaratTak) November 28, 2022

રાજકીય પાર્ટીઓ પર ચલાવ્યા વાકબાણ
તેમણે રાજકીય પાર્ટીઓને પણ આડેહાથ લેતા કહ્યું હતું કે, આમ આદમી પાર્ટી તો બોલે છે એ જ ઘણું છે. પૂર્ણ બહુમતથી ભાજપ જીતવાની છે તેવો આશાવાદ પણ તેમણે વ્યક્ત કર્યો હતો. તેમણે એવું પણ કહ્યું હતું કે, કોંગ્રેસના નેતાઓ સોનિયા ગાંધીને દગો કરી રહ્યા છે અને તેમની પાસેથી પૈસા લઈને પોતાના ખિસ્સા ભરી રહ્યા છે.

ગુજરાતમાં આમ આદમી પાર્ટી અંગે #Valsad આવેલા પરેશ રાવલ (@SirPareshRawal ) બોલ્યા- પાર્ટી મોંઢુ ખોલે છે એટલું જ બસ છે.#Gujarat #Election2022 #electionwithgujarattak pic.twitter.com/9c10LKkLLX

— Gujarat Tak (@GujaratTak) November 28, 2022

(વીથ ઈનપુટઃ કૌશીક જોશી, વલસાડ)