સરકારથી વિરુદ્ધ રહેલું સૌરાષ્ટ્ર હવે કઈ પાર્ટીને આવકારશે? જુઓ આ ચેનલના સર્વેમાં શું છે

કઈ પાર્ટીને કેટલી બેઠક
આ પોલ પ્રમાણે જોઈએ તો 54 બેઠકોમાંથી અન્ય 1 બેઠક લઈ જાય છે જ્યારે 4થી 8 બેઠક કોંગ્રેસ અને આમ આદમી પાર્ટી 7થી 9 બેઠક પર કબજો જમાવી શકે છે. મતલબ કે સીધી રીતે આ બેઠકો પર પણ જંગ આપ અને કોંગ્રેસ વચ્ચે જોવા મળે છે. મહત્તમ બેઠકો સાથે બંને પૈકીની કોઈ પણ પાર્ટીઓ નજીક પણ આવી શકી નથી.

કયો મુદ્દો લોકોનો સળગતો પ્રશ્ન
ઉપરાંત ચેનલના પોલ પ્રમાણે જોઈએ તો ભાજપ પાસે અહીં વોટ શેર હવે 41.9 ટકા, આમ આદમી પાર્ટી પાસે 27.80 ટકા, કોંગ્રેસ પાસે 23.50 ટકા જ્યારે અન્ય પાસે 6.7 ટકા વોટ શેર હોવાનું દર્શાવાયું છે. દરમિયાન તેમણે આ 54 બેઠકો પર સૌથી વધુ સળગતા મુદ્દાઓ પર વાત કરી છે ત્યારે અહીં બેરોજગારી સૌથી મોટો સળગતો પ્રશ્ન હોવાનું સામે આવ્યું છે જ્યારે ભ્રષ્ટાચાર, મોંઘવારી અને રાષ્ટ્રીય મુદ્દાઓ પર સમસ્યાઓ લોકો ઓછી અનુભવતા હોય તેવું દર્શાવાયું છે.

નરેન્દ્ર વ્હાલા કે ભુપેન્દ્ર
તેમણે વર્તમાન સરકારની કામગીરી કેટલી સારી છે તેની ટકાવારી આપવા અંગે પણ સર્વે કર્યો તેમાં સરકારની કામગીરી સારી હોવાનું 46.9 ટકા લોકો દર્શાવે છે, ખરાબ હોવાનું 30.5 ટકા અને સરેરાશ હોવાનું 22.6 ટકા લોકો જણાવી રહ્યા છે. મુખ્યમંત્રીની કાર્યને પણ 46.1 ટકા લોકોએ સારું કહ્યું છે. ખરાબ કામગીરી કહેનારા 27.1 ટકા છે જ્યારે સરેરાશ કામગીરી માનનારા પણ 26.8 ટકા લોકો છે. જોકે તેની સામે પ્રધાનમંત્રીના કાર્યને લોકોએ સારા કહ્યા છે. 63 ટકા લોકોએ પ્રધાનમંત્રીના પર્ફોમન્સને સારું કહ્યું છે, 20.1 ટકા લોકોએ ખરાબ કહ્યું છે જ્યારે સરેરાશ કામગીરી માનનારા 14.6 ટકા લોકો છે.
(અહેવાલ એબીપી ન્યૂઝના સીવોટર ઓપિનિયન પોલને આધારિત છે)