બોટાદમાં દલિત આગેવાનની હત્યાના સાક્ષી દલિત યુવકની પણ હત્યા, મેવાણીએ કહ્યું- ‘ગુજરાત દલિતોનું નવું નર્ક’ 

દલિત આગેવાનની હત્યાના સાક્ષીની પણ હત્યા

વિગતો મુજબ, રાણપુર તાલુકાના જાળીલા ગામમાં 4 વર્ષ પહેલા ગામના ડેપ્યુટી ચરપંચ માનજીભાઈ સોલંકીની હત્યા કરી નાખવામાં આવી હતી. આ હત્યા કેસમાં રાણપુરના જ બગડ ગામના દલિત યુવાન રાજુભાઈ મકવાણા સાક્ષી થયા હતા. ત્યારે સાક્ષીની દાઝ રાખીને 6 સપ્ટેમ્બરે રાજુભાઈ પર જીવલેણ હુમલો કરવામાં આવતા તેમને ગંભીર હાલતમાં ભાવનગર સારવાર માટે ખસેડવામાં આવ્યા હતા. જ્યાં સારવાર દરમિયાન ગુરુવારે મોડી રાત્રે તેમનું નિધન થયું હતું.

गुजरात -दलितों का नया नर्क।

जून महीने में प्रदेश के बोटाद ज़िले के जाडिला गांव के डेप्युटी सरपंच मानजी भाई सोलंकी ने कहा था की उनकी हत्या हो सकती है, फिर भी उन्हें पुलिस द्वारा कोई सुरक्षा नही दी गई, आखिरकार उन्हें मार दिया गया था। कल रात उनकी हत्या के एक मात्र गवाह राजेश मकवाना… pic.twitter.com/Z1yH11C1uT

— Jignesh Mevani (@jigneshmevani80) September 15, 2023

જીગ્નેશ મેવાણીએ ટ્વીટ કરીને સરકારને ઘેરી

સમગ્ર મામલે કોંગ્રેસના ધારાસભ્ય અને દલિત નેતા જીગ્નેશ મેવાણીએ ટ્વીટ કરીને સરકાર પર આક્ષેપ કર્યા છે. તેમણે ટ્વીટ કર્યું, ગુજરાત-દલિતોનું નવું નરક. જૂન મહિનામાં રાજ્યના બોટાદ જિલ્લાના જડીલા ગામના ડેપ્યુટી સરપંચ મનજીભાઈ સોલંકીએ કહ્યું હતું કે, તેમની હત્યા થઈ શકે છે, તેમ છતાં તેમને પોલીસ દ્વારા કોઈ સુરક્ષા આપવામાં આવી ન હતી, આખરે તેમની હત્યા થઈ હતી. ગત રાત્રે તેની હત્યાના એકમાત્ર સાક્ષી રાજેશ મકવાણાની પણ હત્યા કરવામાં આવી હતી. આવી 9મી ઘટના પ્રકાશમાં આવી છે જેમાં દલિત સમાજના એક વ્યક્તિએ આગળ આવીને પ્રશાસન પાસે રક્ષણની માંગ કરી હતી, પરંતુ ન તો સરકાર, ન પોલીસ, કોઈએ તેની વાત સાંભળી નહીં. પરિણામે તેની હત્યા કરવામાં આવી છે.

સ્વજનોએ મૃતદેહ સ્વીકારવાની ના પાડી

તો બીજી તરફ રાજુભાઈની હત્યા બાદ પરિજનોએ તેમનો મૃતદેહ સ્વીકારવાની ના પાડી દીધી છે. દલિત સમાજના આગેવાનો તેમજ પરિવારજનોમાં રોષ જોવા મળી રહ્યો છે અને તેમની માંગણી છે કે SPની બદલી કરવામાં આવે અને તેમને યોગ્ય ન્યાય આપવામાં આવે. ઘટનાને પગલે બોટાદ SP, DySP તથા LCBનો કાફલો જાળીલા ગામે પહોંચી ગયો છે.

(રઘુવીર મકવાણા, બોટાદ)