CM ના કાર્યક્રમમાં ઉંઘી જનારા અધિકારીને તત્કાલ અસરથી સસ્પેન્ડ કરાયા

ચીફ ઓફિસરને ઉંઘ ભારે પડી !

ભુજ નગરપાલિકાના ચીફ ઓફિસર સસ્પેન્ડ

CMના કાર્યક્રમમાં ચીફ ઓફિસર ઉંઘતા ઝડપાયા હતા

ફરિયાદોના પગલે CM કાર્યાલયથી લેવાયો નિર્ણય pic.twitter.com/gskdRhNK3T

— Gujarat Tak (@GujaratTak) April 30, 2023

મળતી માહિતી અનુસાર ભુજ પાલિકાના ચીફ ઓફીસર જીગર પટેલ સામે શિસ્તભંગની કડક કાર્યવાહી કરવામાં આવી છે. મુખ્યમંત્રીના કાર્યક્રમ દરમિયાન ચીફ ઓફીસર ઉંઘતા હોવાનો વીડિયો વાયરલ થયા બાદ તેઓને તત્કાલ અસરથી ફરજમુક્ત કરવામાં આવ્યા છે. સુત્રો અનુસાર આ આદેશ સીધો જ મુખ્યમંત્રી કાર્યાલયથી કરવામાં આવ્યા હતા.

અત્રે ઉલ્લેખનીય છે કે, થોડા સમય અગાઉ સીએમ ભૂપેન્દ્ર પટેલ કચ્છના પ્રવાસે ગયા હતા. આ દરમિયાન ભુજમાં પ્રોપર્ટી કાર્ડ વિતરણનો એક કાર્યક્રમ યોજાયો હતો. આ કાર્યક્રમમાં મુખ્યમંત્રી ભુપેન્દ્ર પટેલે ભાજપ સરકારના વિકાસ કાર્યોની પ્રશંસા કરી હતી. અહીં તેઓ વિકાસકાર્યની ગાથા કાર્યક્રમમાં પ્રવચન આપી રહ્યા હતા. જો કે આનો વીડિયો વાયરલ થયો હતો. જેમાં ચીફ ઓફીસર જીગર પટેલ ઉંઘતા હોાનો વીડિયો વાયરલ થયો હતો.