કોંગ્રેસનો એક પણ વ્યક્તિ હવે ભાજપમાં નથી જવાનો, ભાજપની પોતાની પાસે લડવાની તાકાત નથી

એક પણ સભ્ય ભાજપમાં જોડાય તેવી શક્યતા નહીવત્ત છે
આ ઉપરાંત લલિત વસોયા અને ક્રોસ વોટિંગ અંગે પુછતા તેમણે કહ્યું કે, વસોયા ક્યાંય જવાના નથી. લલિત વસોયા પણ કોંગ્રેસમાં છે અને લલિત કગથરા પણ કોંગ્રેસમાં જ છે. અત્રે ઉલ્લેખનીય છે કે, હાર્દિકના ગયા બાદ 6થી8 ધારાસભ્યો તેના સંપર્કમાં હોવાની અટકળો સામે આવી હતી. બીજી તરફ રાષ્ટ્રપતિની ચૂંટણીમાં કોંગ્રેસના ધારાસભ્યોએ ક્રોસવોટિંગ કર્યાનું સામે આવ્યા બાદ આ ધારાસભ્યો ભાજપમાં જાય તેવી અટકળોને વધારે હવા મળી હતી. જેના પગલે રાજનીતિ પણ તેજ થઇ ગઇ હતી.

ભાજપની પોતાની પાસે લડવાની ત્રેવડ નથી
જો કે લલિત કગથરાએ કહ્યું કે, ભાજપની પોતાની પાસે ચૂંટણી લડવાની ત્રેવડ નથી તેના કારણે તેઓ કોંગ્રેસનાં સભ્યો ખેડવીને ચૂંટણી જીતવા માટેની રણનીતિ પર કામ કરી રહ્યા છે. આ લોકો કોઇ પણ પ્રકારે ચૂંટણી જીતવા માંગે છે. આ લોકો પોતાના દમ પર ચૂંટણી જીતી શકે તેવી હાલતમાં જ નથી. મોટી મોટી વાતો કે અમે કોઇ કોંગ્રેસીઓને લઇશું નહી અને કોંગ્રેસ મુક્ત ભારત બનાવવું છે પરંતુ હાલ તો ભાજપને કોંગ્રેસ મુક્ત થવાની જરૂર છે. આ લોકો પોકળ દાવાઓ કરી શકે છે. અમારો એક પણ ધારાસભ્ય હવે ભાજપમાં જવાનો નથી.