ગુજરાતભરમાં ગુલાબી ઠંડીનો ચમકારો: ઉત્તર ભારતમાં બરફવર્ષાથી વધી ઠંડી, નલિયામાં સૌથી નીચું 11.4 ડિગ્રી તાપમાન

Gujarat Winter Update: ગુજરાતીઓ શિયાળાની ઠંડીએ બરાબરની જમાવટ કરી હોઈ ધ્રુજી રહ્યા છે. ઠંડાગાર પવનો સતત ફૂંકાઈ રહ્યા હોઈ દિવસ દરમિયાન બપોરના સમયગાળામાં પણ લોકો ઠંડીથી ઠરી રહ્યા છે. શિયાળો જામતાં એક તરફ ચારે તરફ ઠંડક પ્રસરી રહી છે તો બીજી તરફ વાદળછાયા વાતાવરણથી લોકો અચરજમાં મુકાઈ રહ્યા છે. રાજ્યના મોટાભાગના શહેરોમાં તાપમાન ગગડ્યું છે. આજે ગુજરાતના 14 શહેરોનું તાપમાન 17 ડિગ્રીથી નીચે નોંધાયું છે. જેમાં 11.4 ડિગ્રી તાપમાન સાથે રાજ્યમાં નલિયા સૌથી ઠંડુ શહેર બન્યું છે.