Nitin Patel: BJP માં બધુ બરાબર નથી? નાયબ મુખ્યપ્રધાન હવે APMC ના સભ્ય બન્યા

મહેસાણા : જિલ્લાની KADI APMC ખાતે મંગળવારે ખેડૂત વિભાગની 10 બેઠકો માટે ચૂંટણી આયોજીત થઇ હતી. આ ચૂંટણીમાં 782 પૈકી 728 મતદારોએ મતદાન કર્યું હતું. જેના પરિણામે કડી APMC માં ભાજપ સમર્થિત ઉમેદવારની જીત થઇ હતી. કડી APMC ના ચૂંટણી પરિણામ બાદ નીતિન પટેલનું નિવેદન સામે આવ્યું છે. નીતિન પટેલે જણાવ્યું કે, ફોર્મ પરત ખેંચવાના સમયે કોઇને કંઇ કહેવાયું હોય તો ખોટું ન સમજવું જોઇએ. કડી માટે કામ કરુ છું, ભાજપ પક્ષ માટે કામ કરુ છું. હું ઉમેદવાર આજે પણ ન હતો અને પહેલા પણ નહોતો. ધારાસભ્યની ચૂંટણીમાં પક્ષે મને ટિકિટનો ઇન્કાર કર્યો તો મને જરા પણ ખોટું નહોતું લાગ્યું. કોઇ વ્યક્તિ મોટો નથી પરંતુ પક્ષ મોટો છે અને સંસ્થા મોટી છે.