NIAની ગુજરાતમાં ‘ગઝવા અલ હિંદ’ સંગઠન વિરુદ્ધ મોટી કાર્યવાહી, સુરત, વાપી અને બોટાદમાં દરોડા

ગુજરાતમાં ક્યાં પડ્યા દરોડા?
ગુજરાતમાં NIAની ટીમે સુરતમાં સર્ચ ઓપરેશન હાથ ધર્યું હતું. આ સાથે જ વાપી અને બોટાદના રાણપુરમાં પણ દરોડા પાડ્યા હતા. સુરતમાં મોહમ્મદ સોહેલ, વાપીમાં ફરાઝખાન તથા રાણપુરમાં અબ્દુલ વૈદના નિવાસસ્થાનો પર NIAની ટીમે પહોંચીને કાર્યવાહી શરૂ કરી છે.

ખાસ વાત છે કે, આ વર્ષે 6 જાન્યુઆરીએ NIAએ આ કેસમાં બિહારની સ્પેશ્યલ NIA કોર્ટમાં એક આરોપી વિરુદ્ધ ચાર્જશીટ દાખલ કરી હતી. સાથે જ ગત 15મી માર્ચે પણ નેશનલ ઈન્વેસ્ટિગેશન એજન્સીએ પાકિસ્તાનમાં સ્થિત પ્રતિબંધિત સંગઠનો દ્વારા જમ્મુ-કાશ્મીરના યુવાનોને કટ્ટરપંથી બનાવવા, સમુદાયો, સુરક્ષા કર્મચારીઓ, ધાર્મિક કાર્યક્રમો અને લઘુમતીઓને નિશાન બનાવવાના આતંકી ષડયંત્ર સંબંધિત કેસ નોંધ્યો હતો. અને 15 સ્થળોએ તપાસ કરી હતી.