અસિમિત વાણીવિલાસ કરનાર નૌતમ સ્વામીની તમામ પદો પરથી હકાલપટ્ટી

અમદાવાદ ખાતે સંત સમુદાયે વ્યક્ત કર્યો આક્રોશ

અત્રે ઉલ્લેખનીય છે કે, આજે અમદાવાદના લંબેનારાયણ આશ્રમ ખાતે આયોજીત બેઠકમાં સાધુ-સંતોએ નૌતમ સ્વામીને અખિલ ભારતીય સંત સમિતીના અધ્યક્ષ પદેથી હકાલપટ્ટી કરવામાં આવી છે. અત્રે ઉલ્લેખનીય છે કે, અમદાવાદ-સાણંદ હાઇવે પર આવેલા લંબે નારાયણ આશ્રમ ખાતે સાધુ-સંતોની બેઠક આયોજીત થઇ હતી. જેમાં મોટી સંખ્યામાં સાધુ-સંતો હાજર રહ્યા હતા. આ બેઠકમાં વાણીવિલાસ કરનારા નૌતમ સ્વામિની તમામ પદો પરથી હકાલપટ્ટીની ઉગ્ર માંગ કરાઇ હતી.

લખનઉમાં આયોજીત સંત સમાજની બેઠકમાં નૌતમ સ્વામીની હકાલપટ્ટી

બીજી તરફ ઉત્તર પ્રદેશના લખનઉ ખાતે આ મામલે મહત્વની બેઠક આયોજીત થઇ હતી. જેમાં ગુજરાતમાં સાધુ-સંતો દ્વારા થયેલા વિરોધને ધ્યાને રાખીને ઉત્તરપ્રદેશના લખનઉ ખાતે આયોજીત અખિલ ભારતીય સંત સમિતીની કાર્યકારણીની બેઠકમાં નૌતમ સ્વામિને ગુજરાત પ્રાંતના અધ્યક્ષ પદ સહિતના તમામ પદો પરથી હકાલપટ્ટી કરવામાં આવી હતી.