કચ્છની ત્રણ ગ્રામપંચાયતોને સમાવીને બનાવવામાં આવી નગરપાલિકા: CM નો મોટો નિર્ણય

લાંબા સમયથી નખત્રાણાને નગરપાલિકા બનાવવાની હતી માંગ
નખત્રાણા તાલુકાની નજીકના વિસ્તારોમાં હાલ કાર્યરત ઉદ્યોગો અને ભવિષ્યમાં આવનારા નવા ઉદ્યોગોના પરિણામે આ વિસ્તારમાં પેદા થનારી નાગરિક સુખાકારી અને નાગરિક જરૂરિયાતને ધ્યાનમાં રાખીને નખત્રાણા જૂથ ગ્રામ પંચાયતે નગરપાલિકાનો દરજ્જો મેળવવા માટે સર્વાનુમતે કરેલા ઠરાવને તમામ પક્ષોએ સમર્થન આપ્યું હતું.

મુખ્યમંત્રી સમક્ષ લંબિત પ્રસ્તાવની માંગ કરાઇ
મુખ્યમંત્રીને આ અંગેની દરખાસ્ત પણ મોકલી આપવામાં આવી હતી. આ અંગે પંચાયત, ગ્રામ ગૃહનિર્માણ અને ગ્રામ વિકાસ વિભાગ સાથે સંકલન બાદ મુખ્યમંત્રીએ મોટા નખત્રાણા, નાના નખત્રાણા અને બેરૂનો સમાવેશ કરીને નખત્રાણા નગરપાલિકાને મંજૂરી આપી દીધી હતી. આ અંગે પ્રાંત અધિકારી દ્વારા જાહેરનામું પણ પ્રસિદ્ધ કર્યું હતું.