મચ્છરોના ત્રાસથી 4 સિંહો જંગલ છોડી ભાગ્યા! જાણો જુનાગઢની શેરીઓમાં પછી શું થયું…

સિંહને રસ્તામાં જોતા લોકોએ તાત્કાલિક….
જુનાગઢની શેરીઓમાં જેવી રીતે સિંહો આટા ફેરા કરી રહ્યા હતા. એને જોઈને લોકોમાં ભયનો માહોલ પ્રસરી ગયો હતો. જોકે લોકોએ ત્યારપછી જાણો ડર હોવા છતા પોતાનો ફોન કાઢી વીડિયો અને ફોટો લેવાનું શરૂ કરી દેતા જોવા જેવી થઈ હતી. આટલા ભયનજક માહોલ વચ્ચે પણ લોકો ડિજિટલ યુગમાં પોતાનો મોબાઈલ કાઢીને સિંહોની તસવીરો લેતા નજરે પડ્યા હતા. જોકે આ સિંહો જંગલમાંથી કેમ ભાગ્યા છે એનું કારણ તમને હસાવી દેશે.

મચ્છરથી હેરાન થઈને સિંહો બહાર આવ્યા..
ગાંધીગ્રામ વિસ્તારમાં બીજા દિવસે એટલે બુધવારે રાત્રે પણ સિંહોએ ધામા નાખ્યા હતા. આ દરમિયાન સિંહો લગભગ 2 કલાક સુધી રસ્તા પર બેઠેલા જોવા મળ્યા હતા. જેથી સ્થાનિકોની સાથે વન વિભાગ પણ ચિંતામાં મુકાઈ ગયું હતું. આ દરમિયાન તેમણે સતર્ક થઈને સિંહોની તમામ સ્થિતિ પર નજર રાખવાનું શરૂ કર્યું હતું. અત્યારે વન વિભાગ સિંહોને જંગલ તરફ પરત મોકલવાની કવાયત કરતા નજરે પડ્યા હતા. પ્રાપ્ત થતી માહિતી પ્રમાણે ગિરનારના જંગલમાં સિંહો મચ્છરથી પરેશાન થઈને શેરીઓમાં આવ્યા હોવાની માહિતી વહી રહી છે. સ્થાનિકોના જણાવ્યા પ્રમાણે ઘણીવાર આ કારણોસર સિંહ જંગલથી શેરીઓ તરફ આવી જાય છે.

With Input – ભાર્ગવી જોશી