CM ભુપેન્દ્ર પટેલની તિરંગા યાત્રામાં 1 લાખથી વધુ લોકો જોડાય તેવી શક્યતા

તિરંગા યાત્રા 2 KM લાંબી રહેશે
રાજકોટમાં આયોજિત આ તિરંગા યાત્રા 2 કિલોમીટર લાંબી રહેશે. જેની શરૂઆત બહુમાળી ભવનથી થશે અને ત્યારપછી શહેરના વિવિધ વિસ્તારોમાં લોકો રાષ્ટ્રધ્વજ લઈને ફરશે. ઉલ્લેખનીય છે કે આ યાત્રાની તૈયારીઓ છેલ્લા ત્રણ દિવસથી કરાઈ રહી છે. આના આયોજન માટે જિલ્લા કલેક્ટર અરૂણ મહેશ બાબુ અને મેયર ડો. પ્રદિપ દ્વારા પ્રેસ કોન્ફરન્સ કરાઈ હતી. જેમાં 1 લાખથી વધુ લોકો જોડાઈ શકે એની માહિતી આપી હતી.

યાત્રાના આયોજનની ટાઈમલાઈન…

• આ યાત્રા સવારે 8 વાગ્યે બહુમાળી ભવનથી નીકળશે, જેનો રૂટ 2 કિલોમીટરનો રહેશે.
• પોલીસે વાહનચાલકોને હાલાકીનો સામનો ન કરવો પડે એના માટે ચુસ્ત બંદોબસ્ત ગોઠવ્યું છે.
• વિવિધ શાળા અને કોલેજોના વિદ્યાર્થીઓ પણ આ તિરંગા યાત્રામાં જોડાશે.
• આ યાત્રાને પગલે યાજ્ઞીક રોડ હરીભાઈ હોલ તથા રાડિયા બંગલા ચોકથી માલવીયા રોડ પર કોઈપણ વાહનોને એન્ટ્રી નથી આપવામાં આવી અને નો પાર્કિંગ ઝોન પણ જાહેર કરાયો છે.