Gujarat Weather: વીજળીના કડાકા ભડાકા સાથે આ વિસ્તારોમાં રહેશે વરસાદી માહોલ, જુઓ હવામાન વિભાગની નવી આગાહી

આગામી પાંચ દિવસ કેવું રહેશે વાતાવરણ?

સાથે જ હવામાન વિભાગની આગાહી અનુસાર આગામી પાંચ દિવસ રાજ્યમાં વાદળછાયું વાતાવરણ રહેશે. સાથે જ ઉત્તર ગુજરાતના કેટલાક ભાગમાં છૂટાછવાયો વરસાદ વરસી શકે છે. ઉપરાંત આજે રાજ્ય પર આવતા પવનોની ગતિ 20-25 કિલોમીટર પ્રતિકલાકની ઝડપે રહેશે. ત્યારબાદ આવતીકાલથી 3 દિવસ સુધી પવનની ઝડપ વધીને 30થી 35 કિલોમીટર પ્રતિકલાકની થશે. ચોમાસાના આગમન વિશે જણાવતાં હવામાન વિભાગે કહ્યું કે, આગામી સપ્તાહથી દક્ષિણ ગુજરાતના ભાગોમાં પ્રી-મોન્સૂન એક્ટિવિટી શરૂ થશે. હાલમાં ગુજરાત પર બે સિસ્ટમ સક્રિય હોવાને કારણે તાપમાન યથાવત્ રહેશે.

ભૂપેન્દ્ર સરકારમાં નવા-જૂનીના એંધાણ! વિજય રૂપાણીના નિવેદનથી રાજકારણ ગરમાયું

8 અને 9 જૂનથી  પ્રિ-મોન્સૂન એક્ટિવિટી

જો વાત કરવામાં આવે તો 8 અને 9 જૂનથી પ્રિ-મોન્સૂન એક્ટિવિટીની શરૂઆત થતા દક્ષિણ ગુજરાત, સૌરાષ્ટ્રના કેટલાક જિલ્લામાં વરસાદ વરસી શકે છે. 8 જૂનના રોજ દક્ષિણ ગુજરાતના છોટાઉદેપુર, નર્મદા, તાપી, વલસાડ, ડાંગ, નવસારી, દમણ, દાદરા અને નગર હવેલીમાં ગાજવીજ સાથે વરસાદની શક્યતા છે. આ સાથે દીવ અને ગીર સોમનાથમાં પણ વરસાદની શક્યતા છે. જ્યારે 9 જૂનના રોજ પંચમહાલ, દાહોદ, છોટાઉદેપુર, નર્મદા, તાપી, નવસારી, ડાંગ, વલસાડ, દમણ, દાદરા અને નગર હવેલી સહિત સૌરાષ્ટ્રના જૂનાગઢ, અમરેલી, ભાવનગર, ગીર સોમનાથ અને દીવમાં વરસાદી માહોલ જોવા મળી શકે છે.