MLA દિવ્યેશ અકબરીનું સરાહનીય પગલું, 251 કુપોષીત બાળકો લીધા દતક

જામનગર દક્ષિણ વિધાસનસભામાં આવતી તમામ આંગણવાડીના 251 કુપોષિત બાળકો કે જેને જી.જી. હોસ્પિટલના ડોકટર્સ ટીમે ચકાસી/તપાસી સારવાર શરુ કરી છે. જરુરી દવા શરુ કરાવી જેનો તમામ ખર્ચ ધારાસભ્ય દિવ્યેશ અકબારીએ ઉપાડયો છે.  તેટલું જ નહીં 251 બાળકોને ફરી પોષણયુક્ત બનાવવા માટેના ડોકટરની સૂચના મુજબના ખોરાકની ચિંતા પણ દિવ્યેશ અકબરીએ કરી છે.

ધારાસભ્ય બન્યાને 1 મહિનો થયો 
ધારાસભ્ય બન્યાના પ્રથમ મહિનો પૂર્ણ થયો છે. ત્યારે   251 કુપોષિત બાળકોને એક વર્ષ માટે દત્તક લેવાનું જાહેર કર્યું છે. જે ખૂબ જ સરાહનિય  પગલું કહી શકાય. નરેન્દ્રભાઇ મોદીના સેવા યજ્ઞમાં નાની આહુતિ આપવાના નિર્ધાર સાથે યુવા ધારાસભ્ય દિવ્યેશ અકબરીએ કર્યો છે.

રક્તદાન કેમ્પનું કર્યું આયોજન 
તા. 14 જાન્યુઆરી ઉત્તરાયણનો સેવા/આનંદના મોટા ઉત્સવના દિવસે પોતાનો જન્મદિવસ હોય પોતાના જ રહેણાંક વિસ્તારના સંગઠનના કાર્યકર મિત્રો તેમજ વેપારી મિત્રો  વોર્ડ નં. 8 ભાજપા પરિવાર તેમજ રણજીતનગર વેપારી મંડળ ના સહયોગથી રકતદાન કેમ્પનું આયોજન કરી સેવા કાર્યમાં મોટી કલગી ઉમેરી છે.

લોકોને કરી આ અપીલ 
ધારાસભ્ય દિવ્યેશ અકબરી વિધાનસભાની ચૂંટણી જીત્યા બાદ એકશન મોડ પર જોવા મળી રહ્યા છે. આ દરમિયાન 251 બાળકો દતક લીધા બાદ હવે રકતદાન કેમ્પનું પણ આયોજન કર્યું છે.  જામનગરમાં લેઉઆ પટેલ સમાજ રણજીતનગર ખાતે તા.14 જાન્યુઆરી ઉત્તરાયણના રોજ સવારે 9 કલાકે આયોજિત રકતદાન કેમ્પમાં બહોળી સંખ્યામાં રક્તદાતાઓને ઉપસ્થિત રહેવા અપીલ કરવામાં આવી છે.