GUJARAT માં કોંગ્રેસ આહ્વાહીત બંધને મિશ્ર પ્રતિસાદ, પોલીસે દિગ્ગજોની અટકાયત કરી

વાસદ-બગોદરા હાઇવે ચક્કાજામ કરવામાં આવ્યો
આ ઉપરાંત વાસદ બગોદરા હાઇવે ચક્કાજામ કરાયો હતો. એએસયુઆઇ દ્વારા અમદાવાદમાં પણ કોર્પોરેશનની કેટલીક બસો, ઇન્ડિયન ઓઇલનું ટેન્કર પણ અટકાવાયું હતું. અમદાવાદ પ્રદેશ કોંગ્રેસ પ્રમુખ જગદીશ ઠાકોર દ્વારા પણ કેટલાક વિસ્તારોમાં પ્રદર્શન કરવામાં આવ્યું હતું. જો કે પોલીસ દ્વારા તમામ કાર્યકર્તાઓ અને નેતાઓની અટકાયત કરવામાં આવી હતી.

ગુજરાત પ્રદેશ કોંગ્રેસના તમામ દિગ્ગજોની પોલીસ દ્વારા ગુજરાત વ્યાપી અટકાયત
સમગ્ર ગુજરાતમાં ગુજરાત પ્રદેશ કોંગ્રેસ દ્વારા ખુબ જ આક્રમક પ્રદર્શન કરવામાં આવ્યું હતું. જો કે કોંગ્રેસના આ પ્રદર્શનને ગુજરાતમાં મિશ્ર પ્રતિસાદ સાંપડ્યો હતો. કેટલાક વેપારીઓએ દુકાનો બંધ કરવાનો ઇન્કાર કર્યો હતો. તો કેટલાકને કોંગ્રેસી કાર્યકરો સાથે રકઝક થઇ હતી. કેટલાક કિસ્સામાં પોલીસ સાથે પણ ઘર્ષણ થયું હતું. કોંગ્રેસનાં બંધને મિશ્ર પ્રતિસાદ સાંપડ્યો હતો.