વડોદરાની કશિશે મેળવ્યો ‘Miss teen grand India’નો ખિતાબ

મહારાજા સયાજીરાવ યુનિવર્સિટીના જર્નાલિઝમ અને કમ્યુનિકેશન ફેકલ્ટીમાં અભ્યાસ કરતી કશિશ ગોસ્વામી ભણતરની સાથે સાથે પોતાની ઓળખ બનાવી રહી છે. વડોદરાની આ દીકરી પોતે જોયેલા સ્વપ્નને સાકાર કરવા તનતોડ મહેનત કરી રહી છે. તાજેતરમાં જ કશિશે મિસ ટીન દિવા પેજન્ટમાં ભાગ લીધો હતો. આ સ્પર્ધામાં 13 વર્ષથી 19 વર્ષ સુધીની છોકરીઓ ભાગ લઈ શકે છે. આખા દેશમાંથી આવેલી 35 છોકરીઓને પાછળ પાડીને કશિિશે વડોદરાનું નામ રોશન કર્યું છે. અને મિસ ટીન ગ્રાન્ડ ઇન્ડિયાનો ખિતાબ જીત્યો હતો. આ પેજન્ટમાં ઘણા રાઉન્ડસ્ હોય છે જેમકે, સ્પીચ રાઉન્ડ, પર્સનલ ઇન્ટરવ્યૂ, ફોટો શૂટ, રેમ્પ વૉક, બ્યુટી વિથ બ્રેઇન, વગેરે. કશિશ ગોસ્વામીએ પોતાના અનુભવ જણાવતા કહ્યું કે, મને અલગ અલગ રાજ્યો અને શહેરોની એટલી બધી છોકરીઓને મળવાની તક મળી, ભલે આ સ્પર્ધા હતી છતાં પણ મને ખુબ જ સારા મિત્રો મળ્યા અને ખૂબ જ સારી મિત્રતા પણ થઈ છે.