સુરતમાં વધુ એક લવ જેહાદ, ‘વાસુ’ બનીને વિધર્મી યુવકે યુવતીને પ્રેમજાળમાં ફસાવી દુષ્કર્મ આચર્યું

ઈવેન્ટ કંપનીમાં યુવક અને યુવતી સાથે કામ કરતા હતા
સુરત શહેરના વેસુ પોલીસ સ્ટેશનમાં નોંધાયેલા કેસ મુજબ, વેસુ વિસ્તારના રાજપૂત વિસ્તારનો રહેવાસી વસીમ અકરમ વાહિદ સનરાઈઝ નામની ઈવેન્ટ કંપનીમાં કામ કરે છે. વસીમ અકરમે એ જ ઈવેન્ટ કંપનીમાં મહેંદી લગાવનો તરીકે કામ કરતી 24 વર્ષની યુવતી સાથે તેનું અસલી નામ છુપાવીને અને તેનું હિન્દુ નામ વાસુ ગ્વાલડિયા જણાવીને તેની સાથે નિકટતા કેળવી હતી. ઈવેન્ટ કંપનીમાં સાથે કામ કરતા યુવક-યુવતીની નિકટતા પહેલા મિત્રતા અને બાદમાં પ્રેમમાં પરિવર્તિત થઈ. બાદમાં યુવકે યુવતી સાથે લગ્નના બહાને શારીરિક સંબંધ બાંધ્યો. યુવકે કામ વાસના માટે યુવતીને અલગ-અલગ જગ્યાએ હોટલમાં રોકીને તેનું શારીરિક શોષણ કર્યું હતું. 1 જુલાઈ 2022થી 10 ફેબ્રુઆરી 2023 દરમિયાન યુવતી પર તેની મરજી વિરુદ્ધ બળજબરીથી બળાત્કાર ગુજાર્યો હતો.

યુવકનું આધાર કાર્ડ હાથમાં આવતા યુવતીને ખબર પડી
આ ઇવેન્ટ કંપનીમાં કામ કરતી 24 વર્ષની હિન્દુ યુવતીને ખબર નહોતી કે તે જેની સાથે તે વાત કરી રહી છે, જેની સાથે તે લગ્ન કરવાનું સપનું જોઈ રહી છે, તે હિન્દુ વાસુ ગ્વાલડિયા નહીં, પરંતુ મુસ્લિમ વસીમ અકરમ છે. યુવતીને તેનું આધાર કાર્ડ હાથમાં આવતા આ વિશે ખબર પડી, તે આશ્ચર્યચકિત થઈ ગઈ. સનરાઈઝ ઈવેન્ટમાં કામ કરનાર વસીમ અકરમ વાસુ ન હોવાનું માલુમ પડતા તેણે વેસુ પોલીસ સ્ટેશનમાં વિજાતીય યુવક વિરૂદ્ધ એફઆઈઆર નોંધાવી હતી. યુવતીની ફરિયાદના આધારે પોલીસે ગુનો નોંધી વધુ તપાસ હાથ ધરી છે. વેસુ પોલીસ સ્ટેશને ગ્વાલડિયા નામના વસીમ અકરમ વાહિદ સામે બળાત્કાર અને છેતરપિંડીનો ગુનો નોંધી તેની ધરપકડ કરી આગળની કાર્યવાહી હાથ ધરી છે.